જળવાયુ પરિવર્તનના કારણે ધરતીના ઘણા હિસ્સામાં અચાનક હવામાન બદલાઇ રહ્યું છે. ખાસ કરીને અમેરિકામાં હવામાન બદલાયુ છે પરંતુ હવે ચંદ્ર પર બદલાવ થવાની સંભાવનાઓ છે.
2030માં આવશે ઉપદ્રવી પૂર
એક દશક સુધી રહેશે ભયંકર પરિસ્થિતિ
NASA એ કરી છે ચંદ્ર પર સ્ટડી
એક સ્ટડી અનુસાર, NASA કહે છે કે, જળવાયુ પરિવર્તનના કારણે વધતા સમુદ્રના જળસ્તર સાથે ચંદ્રની પોતાની કક્ષા બદલાઇ રહી છે અને તેના કારણે ધરતી પર વિનાશક પૂર આવી શકે છે. આ અધ્યયન ક્લાઇમેટ ચેન્જ પર કરવામાં આવ્યું છે.
ચંદ્ર પર ઉત્પન્ન થનારી આ પરિસ્થિતિને અધ્યયનમાં ઉપદ્રવી પૂર કહેવામાં આવ્યું છે. આ પ્રકારનું પૂર તટીય વિસ્તારોમાં આવે છે.
એક દશક સુધી ચાલશે પૂર
નાસાના અધ્યયન અનુસાર પૂરની આ સ્થિતિ 2030ના મધ્યમાં વધારે રહેશે અને અનિયમિત રહેશે. સ્ટડીમાં કહેવામાં આવ્યું છે કે અમેરિકી તટીય વિસ્તારોમાં સમુદ્રની લહેરો પોતાની સામાન્ય ઉંચાઇથી 3 4 ઇંચ વધારે ઉપર ઉઠશે અને અનિયમિત રહેશે.
જગ્યા બદલશે ચંદ્ર
પૃથ્વી પર પૂર આવવાનું કારણ ચંદ્રની જગ્યા છે, જો તે જરા પણ બદલાશે તો પૃથ્વી પર ભયાનક પૂર આવશે અને ચંદ્રને ફરીથી તેની નિયત જગ્યા પર પરત જતા 18.6 વર્ષનો સમય લાગશે. પૃથ્વી પર વધી રહેલી ગરમી પણ ખતરનાક સાબિત થઇ શકે છે.
કેવી થશે અસર
18.6 વર્ષમાં 9 વર્ષ સુધી પૃથ્વી પર સમુદ્રમાં સામાન્ય ટાઇડનું ઉઠવું ઓછુ થઇ જશે અને અન્ય 9 વર્ષમાં તેનાથી ઉંધુ થશે. આ ચક્ર 2030ની આસપાસ બદલાશે જેનાથી સામાન્ય જીવન પર ખૂબ અસર પડશે. ખાસ કરીને જે લોકો દરિયા કિનારે રહે છે તેમના જીવનમાં ઉથલ પાથલ થઇ જશે.