મંગલ ગ્રહ / નાસાના રોવરને મંગલ ગ્રહ પર જોવા મળ્યા માટીના ટેકરા અને પથ્થરો, લાખો વર્ષો પહેલા આબોહવાના પુરાવા

• નાસાના ક્યુરિયોસિટી રોવરે મંગળ પર માટીના સૂકા ટેકરા જોયા
• રોવરે મંગલ પરના ખનીજના નમુના એકઠા કર્યા 
• રોવર 5 ઓગસ્ટે મંગળ પર તેનો 10 મો જન્મદિવસ ઉજવશે

લાખો વર્ષો પેલા મંગલ ગ્રહ ઉપર ઝરણાઓ અને તળાવો હતા 
વૈજ્ઞાનિકનું માનવું છે કે મંગળના હવામાનમાં આવેલા ફેરફારને કારણે પાણીનો પ્રવાહ સુકાઈ ગયો હશે અને માટીના ઢગલા બની ગયા હશે. વૈજ્ઞાનિકોના જણાવ્યા અનુસાર આ અબજો વર્ષ પહેલા મંગળની આબોહવામાં મોટો ફેરફાર દર્શાવે છે. રોવર સતત ઉંચાઇ પર ચઢી રહ્યું છે. જેટલી ઊંચાઈએથી તેણે આ ટેકરા જોયા. નાસાના જેપીએલના વૈજ્ઞાનિક અશ્વિન વસાવડાએ જણાવ્યું હતું કે, વર્ષોથી જે તળાવના ભંડાર દેખાય છે તે હવે આપણને દેખાતા નથી. ઉલટાનું, આપણે સૂકા ટેકરા જેવા શુષ્ક આબોહવાના ઘણા પુરાવા પણ જોયા છે, જેની આસપાસ ક્યારેક પ્રવાહો વહેતા હોવા જોઈએ. લાખો વર્ષોથી પહેલા બનેલા આ તળાવો માટે આ એક મોટો ફેરફાર હોવો જોઈએ.

ખડકોનો નમુનો લેશે રોવર 
વૈજ્ઞાનિકોના મતે ખડકોની બદલાતી ખનિજ રચના આશ્ચર્યજનક છે. આને સારી રીતે સમજવા માટે રોવર ટૂંક સમયમાં જ અહીં ખડકનો નમૂનો ખોદશે. રોવરનો આ છેલ્લો નમૂનો હશે. રોવરે અહીં એવા ખડકો પણ જોયા છે જે ઘણા સ્તરોમાં છે. વૈજ્ઞાનિકોનું માનવું છે કે આ પત્થરો પ્રાચીન ઝરણા કે નાના તળાવોના કારણે બન્યા હશે.

રોવર હવે જુનું થઇ રહ્યું છે 
ક્યુરિયોસિટી રોવર 5 ઓગસ્ટે મંગળ પર તેનો 10 મો જન્મદિવસ ઉજવશે. આ રોવર એક દાયકાથી લાલ ગ્રહ પર છે. નાસાનું રોવર હવે ધીરે ધીરે વૃદ્ધ થઇ રહ્યું છે. પુરાવા તરીકે, તેના એલ્યુમિનિયમ વ્હીલ્સમાં છિદ્રો જોવા મળ્યા છે. 2 જૂને લેવામાં આવેલી એક તસવીરમાં તેના એક પૈડામાં છિદ્ર જોવા મળ્યું હતું. જો કે જેપીએલે કહ્યું હતું કે, આનથી કોઈ સમસ્યા નહીં થાય. જો તેના પૈડાં સંપૂર્ણપણે ક્ષતિગ્રસ્ત થઈ ગયા હોય તો પણ, તે હજી પણ તેની રિમ પર ચાલી શકે છે. નાસાનું રોવર હાલમાં જમીનથી સમૃદ્ધ વિસ્તારમાં ખારા ખનિજો એટલે કે સલ્ફેટથી ભરેલા ટ્રાજિશન ક્ષેત્રની યાત્રા કરી રહ્યું છે.

ગુરુ ગ્રહ તેની અંદર 30 નાના ગ્રહો ગળી ગયો 
સૌરમંડળમાં હાજર ગ્રહોમાં ગુરુ સૌથી મોટો ગ્રહ છે. તેનું કદ એટલું મોટું છે, જો બધા ગ્રહો ભેગા થઈ ગયા હોય તો પણ તે તેમના કરતા 2.5 ગણો મોટો સાબિત થાય છે. વૈજ્ઞાનિકોના જણાવ્યા અનુસાર, હાલમાં જ ખબર પડી છે કે તે તેની અંદર ઘણા નાના ગ્રહો ગળી ગયો છે. એસ્ટ્રોનોમી એન્ડ એસ્ટ્રો ફિઝિશ્યન જર્નલમાં પ્રકાશિત થયેલા અભ્યાસ અનુસાર વૈજ્ઞાનિકોએ નાસાના ગ્રેવિટી સાયન્સ મશીનનો ઉપયોગ કરીને અવકાશયાન જુનો દ્વારા ગુરુની રચનામાં સામેલ તત્વોને શોધી કાઢ્યા છે. વૈજ્ઞાનિકોએ શોધી કાઢ્યું કે ગુરુના ગર્ભમાં ધાતુ જેવા તત્વો હાજર છે, જેનું માપ પૃથ્વીના કદ કરતાં 11 થી 30 ગણું છે. આ ધાતુઓ ગ્રહના એકદમ કેન્દ્રની નજીક હોય છે.