અમેરિકન સ્પેસ એજન્સી નાસાના અંતરીક્ષ યાન પાર્કર સોલર પ્રોબે સૂર્યને અડવા માટે અભૂતપૂર્વ કારનામું કર્યુ છે. એક સમયે અશક્ય ગણાતી આ સિદ્ધી અંતરીક્ષ યાને આઠ મહિના પહેલા એટલેકે એપ્રિલમાં પ્રાપ્ત કરી હતી. પરંતુ અંતરીક્ષમાં કરોડો કિલોમીટર દૂર સ્થિત આ યાનથી જાણકારી પહોંચવા અને ત્યારબાદ જાણકારીનું વિશ્લેષણ કરવામાં વૈજ્ઞાનિકોને લાંબો સમય લાગ્યો.
પાર્કર સોલર પ્રોબે સૂર્યને અડવા માટે અભૂતપૂર્વ કારનામું કર્યુ
નાસાના અંતરીક્ષ યાને આ સિદ્ધી એપ્રિલ મહિનામાં કરી પ્રાપ્ત
નાસાએ પોતાનું પાર્કર સોલ પ્રોબ અંતરીક્ષ યાન 12 ઓગષ્ટ 2018ના રોજ લોન્ચ કર્યુ હતુ. આ નાસાના લિવિંગ વિધ અ સ્ટાર કાર્યક્રમનો ભાગ છે. જેના દ્વારા એજન્સીએ સૂર્ય-પૃથ્વીની વચ્ચે સિસ્ટમના અલગ-અલગ પહેલુઓને સમજવા અને તેની સાથે જોડાયેલી માહિતી એકત્રિત કરવાનું લક્ષ્ય રાખ્યું છે. નાસાનુ કહેવુ છે કે પાર્કર પ્રોબથી જે પણ માહિતી મળશે તેનાથી સૂર્ય અંગે આપણી સમજ વધુ વિકસિત થશે.
કેવીરીતે શક્ય બન્યું સૂર્યને અડવુ?
આ ઐતિહાસિક સિદ્ધીને પ્રાપ્ત કરવા પાછળ વૈજ્ઞાનિકો અને ઈજનેરની એક મોટી ટીમનો હાથ છે. જેમાં હાવર્ડ અને સ્મિથસોનિયનના સેન્ટર ફોર એસ્ટ્રોફિજિક્સના સભ્યો પણ સામેલ રહ્યાં. આ ટીમે તપાસમાં રોકાયેલા એક મહત્વના ઉપકરણ- સોલર પ્રોબ કપના નિર્માણ અને તેની દેખરેખમાં જોડાયેલા છે. આ કપ એ જ ઉપકરણ છે, જે સૂર્યના વાયુમંડળના કણોને એકત્રિત કરવાનું કામ કરી રહ્યાં છે. જેનાથી વૈજ્ઞાનિકોને આ સમજવામાં સરળતા થાય છે કે સ્પેસક્રાફ્ટ સૂર્યના વાતાવરણની બહારની સપાટી કોરોના સુધી પહોંચવામાં સફળ થયુ છે.
અંતરીક્ષ યાનના કપમાં થયો ડેટા એકત્રિત
અંતરીક્ષ યાનના કપમાં જે ડેટા એકત્રિત થયો. તેમાં સામે આવ્યું છે કે એપ્રિલ 28ના રોજ પાર્કર પ્રોબે સૂર્યની વાયુમંડળની બાહ્યસપાટીને ત્રણ વખત પાર કરી. એક વખત તો ઓછામાં ઓછા પાંચ કલાક માટે. સોલર પ્રોબની આ સિદ્ધી બતાવતી એક ચિઠ્ઠી ફીજિકલ રિવ્યૂ લેટર નામના જર્નલમાં પ્રકાશિત થઇ છે. જેમાં એરક્રાફ્ટને એન્જિનિયરિંગનો ખૂબ ખાસ નમૂનો જાહેર કરવામાં આવ્યો છે.