મંગળ ગ્રહ પર મિશન મોકલવાની એક રીતે હોડ જોવા મળી રહી છે. 11 દિવસમાં ત્રીજુ મિશન થવાનું છે. હવે અમેરિકા અંતરિક્ષ એજન્સી નાસા પોતાના માર્સ મિશન લોન્ચ કરવાની છે. આ મિશન હેઠળ ખાસ વાત એ છે કે તેમાં એક રોવર અને બીજુ ડ્રોન હેલિકોપ્ટર છે. રોવર મંગળ ગ્રહ પર ચાલશે અને હેલિકોપ્ટર ઉડીને ડેટા કલેકટ કરશે.
નાસા (NASA) ના માર્સ મિશાનનું નામ છે પરિસિવરેંસ માર્સ રોવર અને ઇંજીન્યૂટી હેલિકોપ્ટર (Perseverance Mars rover & Ingenuity Helicopter). પરિસિવરેંસ માર્સ રોવર 1000 કિલોગ્રામ વજનનું છે. જ્યારે હેલિકોપ્ટર 2 કિલોગ્રામ વજનનું છે.
માર્સ રોવર પરમાણુ ઉર્જાથી ચાલશે. એટલે કે પહેલી વખત કોઇ રોવરમાં પ્લૂટોનિયમને ઇંધણ તરીકેનો ઉપયોગ કરવામાં આવી રહ્યો છે. આ રોવર મંગળ ગ્રહ પર 10 વર્ષ સુધી કામ કરશે. જેમાં 7 ફુટનો રોબોટિક આર્મ, 23 કેમેરા અને એક ડ્રિલ મશીન છે. આ મંગળ ગ્રહના ફોટા, વીડિયો અને નમૂના એકઠા કરશે.
પરસિવરેંસ માર્સ રોવર અને ઇંજીન્યૂટી હેલિકોપ્ટર મંગળ ગ્રહ પર કાર્બન ડાઇઑક્સાઇડથી ઑક્સીજન બનાવાનું કામ કરશે. મૌસમનું અધ્યયન કરશે. જેથી ભવિષ્યમાં મંગળ ગ્રહ પર જનારા એસ્ટ્રોનૉટ્સને આસાની પડે.
રોવરમાં લાગેલા માર્સ એનવાયર્નમેંટલ ડાયનેમિક્સ એનાલાઇઝર એ બતાવશે કે મંગળ ગ્રહ પર મનુષ્યોને રહેવા લાયક સ્થિતિ છે કે નહીં. જેમાં તાપમાન, ધૂળ, હવાનું દબાણ, ધૂળ અને રેડિએશન વગેરેનું અધ્યન કરવામાં આવશે.
ભારતીય મૂળના વનીજા રૂપાણી (17) એ હેલિકોપ્ટરને ઇંજીન્યૂટી નામ આપ્યું છે. હિન્દીમાં તેનો મતલબ છે કોઇ વ્યક્તિનું આવિષ્કારી ચરિત્ર. વનીજા અલબામા નોર્થ પોર્ટમાં હાઇ સ્કૂલ જૂનિયર છે.