OMG! / વિશાળકાય એસ્ટરોઇડ સાથે સ્પેશક્રાફ્ટની ટક્કર કરાવશે NASA, જાણો શું છે DART મિશન

• નાસાએ પોતાના મિશન DARTની માહિતી આપી
• એક એસ્ટરોઇડ સાથે ટકરાશે અવકાશયાન 
• પૃથ્વીથી 11 મિલિયન કિલોમીટરના અંતર આ મિશન

અમેરિકાની સ્પેસ એજન્સી નાસા તેની ડબલ એસ્ટરોઇડ રેડિયેશન ટેસ્ટ (DART) દ્વારા આવતા અઠવાડિયે તેના કાર જેટલા મોટા અવકાશયાનને એક એસ્ટરોઇડ મૂનલેટ ડાયમોર્ફોઝ સાથે ટકરાવવાની તૈયારીમાં છે. રીપોર્ટ મુજબ આ ટકરાવ 26 સપ્ટેમ્બરના રોજ થવાની છે. નાસા તેના DART મિશનના ભાગરૂપે આ ટક્કરથી એસ્ટરોઇડની દિશા બદલવાનો પ્રયાસ કરશે. જો કે, પૃથ્વીથી 11 મિલિયન કિલોમીટરના અંતરે સ્થિત મૂનલેટ ડાયમોર્ફોઝથી આપણા ગ્રહ પર કોઈ ખતરો નથી.

યુરોપિયન સ્પેસ એજન્સી કરશે પરીક્ષણ
નાસા તેના DART મિશનના પરીક્ષણ માટે યુરોપિયન સ્પેસ એજન્સી એચઇઆરએ મિશન પર આધાર રાખશે. વાસ્તવમાં યૂરોપની સ્પેસ એજન્સીને સોમવારે અમેરિકાની સ્પેસ એજન્સી દ્વારા કરવામાં આવી રહેલી ટક્કરની તમામ માહિતી એકઠી કરવાની જવાબદારી મળી છે. સ્પેસ એજન્સીના જણાવ્યા અનુસાર આ ટક્કરનું વિશ્લેષણ દુનિયાભરના ખગોળશાસ્ત્રીઓ એકસાથે મળીને કરશે. જે નક્કી કરશે કે DART મિશન સફળ રહ્યું છે કે નહીં. નાસાના જણાવ્યા અનુસાર આ મિશન દ્વારા તે ભવિષ્યમાં પૃથ્વી સાથે કોઈ એસ્ટરોઇડ અથડાવાની સ્થિતિમાં પોતાની તૈયારીઓનો તાગ મેળવશે. એચઇઆરએનો હેતુ એસ્ટરોઇડ્સ પર ડીએઆરટીની ચોક્કસ અસરને માપવા માટે 2026 સુધીમાં ડાયમોર્ફોસિસ સુધી પહોંચવાનો છે.

On Monday, Sept. 26, the #DARTMission will intentionally crash into a non-hazardous asteroid to try to change its orbit. Watch the action live as this #PlanetaryDefense test takes place.

Plan a watch party: https://t.co/xhscr83u4d

Watch live at 6pm ET: https://t.co/ny3onzx0Na pic.twitter.com/ncgLpH6nD9

— NASA Asteroid Watch (@AsteroidWatch) September 21, 2022

22,500km/h ની ઝડપથી થશે ટક્કર
ડબલ એસ્ટરોઇડ રેડિયેશન પરીક્ષણ દરમિયાન અથડામણ ખૂબ જ તીવ્ર થવાની છે. નાસાના જણાવ્યા અનુસાર 610 કિલોનું આ અવકાશયાન 22,500 કિલોમીટર પ્રતિ કલાકની ઝડપે એસ્ટરોઇડ સાથે ટકરાશે, જેનાથી એસ્ટરોઇડની ગતિમાં ફેરફાર થવાની સંભાવના છે. વૈજ્ઞાનિકોના જણાવ્યા અનુસાર, આવા પરીક્ષણની મદદથી ભવિષ્યમાં પૃથ્વી પર અનિયંત્રિત એસ્ટરોઇડ અથડાવાની સ્થિતિમાં આપણે આવી ભયંકર આપત્તિને થતી અટકાવી શકીએ છીએ.