નાસા / અંતરિક્ષમાં બનશે ઇતિહાસ, પહેલી વાર માત્ર મહિલા અંતરિક્ષયાત્રીઓ સ્પેસ સ્ટેશન બહાર કરશે સ્પેસવોક

• નાસાની જાહેરાત, બે મહિલા ક્રિસ્ટિના કોચ અને જેસિકા મેર સ્પેસ સ્ટેશન પર જશે
• પહેલીવાર માત્ર મહિલાઓ ઇન્ટરનેશનલ સ્પેસ સ્ટેશન પર જશે, સ્પેસ વોક કરશે
• અત્યાર સુધીમાં 500 જેટલા અંતરિક્ષયાત્રીઓ સ્પેસમાં ગયા છે, મહિલાઓની સંખ્યા માત્ર 11 ટકા

નાસાએ તેના પ્લાનમાં ફેરફાર કરીને એક પુરુષ અંતરિક્ષયાત્રીને મોકલવાનો વિચાર કર્યો હતો. નાસાએ આ માટે આગામી 21 ઓકટોબરનો દિવસ નક્કી કર્યો છે. જયારે આ બંને મહિલા અંતરિક્ષયાત્રી સ્પેસ સ્ટેશનની બહાર નીકળીને પૃથ્વીથી 400 કિલોમીટરની ઉંચાઇએ સ્પેસ વોક કરશે. ક્રિસ્ટિના કોચને નાસાના ગત માર્ચના મિશનમાં પણ સામેલ કરાઇ હતી. તેની સાથે નાસાની અંતરિક્ષયાત્રી એન મેક્લેઇન જવાની હતી. 

આ બંને માટે મિડિયમ સાઇઝના સ્પેસ શુટની જરુર હતી અને નાસા પાસે તે સાઇઝનો માત્ર એક જ શુટ હતો. જેના કારણે માત્ર મહિલાઓના મિશનને રદ કરી મેકલેઇનના સ્થાને નીક હેગને મોકલવાનું નક્કી કરાયું હતું. જેનો વિરોધ થતાં છેવટે નાસાએ તે પ્રવાસ જ મુલત્વી રાખ્યો હતો.

નાસાના આઇએસએસના પ્રોગ્રામ મેનેજર કર્ક શીરમેન કહે છે કે બે મિડિયમ સાઇઝના સ્પેસ શુટ હવે રેડી છે. નાસા હવે વધુ મિડિયમ સાઇઝના શુટ તૈયાર કરવા માગે છે જેથી આગામી બે વર્ષમાં વધુ અંતરિક્ષયાત્રીઓ સ્પેસ સ્ટેશન પર જઇ શકે. 

.@Astro_Jessica talks about the spacewalk assignment process and partnering with @Astro_Christina for the spacewalk scheduled on Oct. 21. pic.twitter.com/RLPTjMON44

— Intl. Space Station (@Space_Station) October 4, 2019

નાસા કહે છે કે સ્પેસની મુલાકાત લેનારી મહિલાઓ ઓછી છે ત્યારે ઓકટોબરનું મિશન મહિલાઓ માટે પણ મહત્વનું છે. તેનાથી વધુને વધુ મહિલાઓને સ્પેસ મિશનમાં જોડાવાની પ્રેરણા મળશે. અત્યાર સુધીમાં 500 જેટલા અંતરિક્ષયાત્રીઓ સ્પેસમાં ગયા છે. તેમાં મહિલાઓની સંખ્યા 11 ટકાથી પણ ઓછી છે.