એક તરફ વિશ્વ આખુ જ્યાં કોરોનાની મહામારી સામે લડાઇ લડી રહ્યું છે. ત્યારે બીજી તરફ અંતરિક્ષમાંથી ન ગમતા મહેમાન ધરતી તરફ આવી રહ્યાં છે. જે આજે ધરતીની ઘણી નજીકથી પસાર થશે. દુનિયાના વૈજ્ઞાનિકો આ ત્રણ મુસીબતો પર નજર રાખી રહ્યાં છે. જેથી આ ત્રણેયની દિશામાં જો થોડો પણ ફેરફાર થાય તો ચેતાવણી આપી શકાય. આમ તો મહેમાન એસ્ટ્રોઇડ અથવા ઉલ્કાપિંડના નામથી ઓળખાય છે. પરંતુ હવે આ ધરતી તરફ આગળ વધે તો ખતરનાક સાબિત થઇ શકે છે. ટક્કર થવા પર મોટી તબાહી પણ થઇ શકે છે.
આજે અંતરિક્ષમાંથી ઉલ્કાપિંડનું નામ એસ્ટ્રોયડ 2020 એન ડી (Asteroid 2020 ND). તેની ગતિ 13.5 કિલોમીટર પ્રતિ સેકન્ડ છે. આ 170 મીટર લાંબુ છે. આ ધરતીની 50.86 લાખ કિલોમીટરની નજીકથી પસાર થશે. જો કે અંતરીક્ષમાં આ અંતરને વધારે ન માની શકાય.
આમ તો મંગળ અને ગુરુ ગ્રહની કક્ષા વચ્ચે આવા ઉલ્કાપીંડ મોટી સંખ્યામાં મળી આવે છે, પરંતુ આમા પૃથ્વીની નજીકથી પસાર થનારા ઉલ્કાપિંડોની સંખ્યા ઓછી હોય છે.
આવા ઉલ્કાપિંડોને ખગોળ વિજ્ઞાનીઓ તેને પોટેંશિયલી હેઝડ્રસ એટલે કે સંભવિત ખતરનાક ક્ષુદ્રગ્રહ કહે છે.
બીજુ ઉલ્કાપિંડ 2016 DY 30. આ ધરતીની નજીક 34 લાખ કિલોમીટર દૂરથી નિકળશે. જ્યારે 2020 ME3 ધરતીથી 56 લાખ કિલોમીટર દૂરથી પસાર થશે.
એસ્ટ્રોઇડ 2016 DY30ની ગતિ 54 હજાર કિલોમીટર પ્રતિકલાક છે. જ્યારે 2020 ME3ની ગતિ 16 હજાર કિલોમીટર પ્રતિકલાક છે. એસ્ટ્રોઇડ 2016 DY30ની પહોળાઇ માત્ર15 ફુટ છે.
ખરેખર ક્ષુદ્રગ્રહ એટલે કે એસ્ટ્રોયડ એટલે કે ઉલ્કાપિંડ મૂળ રીતે ગ્રહોકના ટુકડા હોય છે. આ ટુકડા તે ગ્રહોના જન્મના સમયથી બચેલા હોય છે. આ ગ્રહોમાં પૃથ્વી, બુધ, શુક્ર અને મંગળ સામેલ છે. આ ટુકડાઓ ઘણીવખત અંતરીક્ષમાં ફરતા-ફરતા ધરતીની નજીકથી પસાર થતા હોય છે.