અમદાવાદના નરોડામાં રહેતો કુખ્યાત આરોપી રાહુલ ચન્દ્રાકર તેની એવી હરકતથી ચર્ચામાં છે કે જાણી તમને પણ શરમ આવી જશે.
મફત જમવાનું ન મળતા કુખ્યાત આરોપી ગિન્નાયો
હોટલ માલિકને ફસાવવા રચ્યું તરકટ
ફરિયાદી આરોપીની પોલીસે કરી ધરપકડ
મફત જમવાનું નહીં મળતા કુખ્યાત રાહુલ ચન્દ્રાકર નામના ગુનેગારે હોટલના માલિકને ફસાવવા રચ્યું એવું કાવતરું કે પોતે જ તેનો ભોગ ચડી ગયો. વાત એમ છે કે આરોપી, નૂરમહંમદ ની લાજવાબ ફ્રાય હોટલમાં જમવા જતો હતો અને પૈસા આપતો નહતો. જેથી આરોપીને મફત જમવાનું નહિ આપતા આરોપીએ હોટલના માલિકને ફસાવવાનો પ્રયાસ કર્યો હતો.
કઈ રીતે ફરિયાદી જ બન્યો આરોપી?
આરોપી રાહુલ ચન્દ્રાકરએ નૂરમહમદ નામના શખ્સને ફસાવવા કાવતરું રચ્યું. પોતાના મોબાઈલથી મેસેજ લખીને બીજા નબર પર સેન્ડ કર્યો. અને તેમાં સ્કિન શોર્ટ લઈને પીડીએફ ફાઇલ બનાવીને ઓનલાઈન એડિટિંગ કર્યું.. આ મેસેજ માં મહિલા PSI એસ એમ ઠાકોર વિશે અભદ્ર ભાષા નો પ્રયોગ કરીને ધમકી આપી હતી.. આ મેસેજ નૂરમહમદ મોકલીને ધમકી આપી હોવાની ફરિયાદ રાહુલએ PSI ને કરી.. પરંતુ પોલીસે મોબાઈલની ટેક્નિકલ તપાસ કરતા રાહુલનો જ ભાંડો ફૂટ્યો હતો.
મફત જમવાનું નહીં મળતા રચ્યું તરકટ
સમગ્ર મામલામાં આરોપી રાહુલ ચન્દ્રાકર નૂરમહંમદની લાજવાબ ફ્રાય હોટલમાં જમવા જતો. પરંતું જમ્યા બાદ આરોપી હોટલ માલિક નૂરમહમંદ સાથે રૂપિયા આપવા માટે રકઝક કરતો હતો, જમવાના રૂપિયા આપવાની ના કહી દેતો હતો હોટલ માલિકે મફતમાં જમવાની ના પાડી દેતા આરોપી ડંઘાઈ ગયો હતો અને હોટલ માલિકને ફસાવવા કાવતરું ઘડ્યું હતું.
આરોપીની કરાઇ ધરપકડ
મહિલા PSIના નામે અભદ્ર મેસેજ બનાવીને ગુનેગારે ફરિયાદ નોંધવતા પોલીસ એક્શનમાં આવી હતી અને સમગ્ર ઘટના મામલે તપાસ તેજ કરી ઘટનાના મૂળ સુધી પહોંચતા, ફરિયાદ કરનાર આરોપીના મોબાઈલની ટેકનિકલ તપાસ કરવામાં આવી હતી. જે બાદ તપાસમાં રાહુલનો ભાંડો ફૂટી ગયો હતો. બાદમાં પોલીસે હોટલ માલિકને વગર કારણે હેરાન કરવા તેમજ પોલીસને ગેરમાર્ગે દોરવાના આરોપમાં ફરિયાદ કરનાર આરોપીની જ ધરપકડ કરી હતી.