નર્મદાઃ હવે નર્મદા ડેમ વિસ્તારને ત્રીજી આંખ હેઠળ સમાવાશે. 44 જગ્યાઓએ 97 કેમેરા લગાવાશે.નર્મદા પોલીસ સરદાર સરોવર નર્મદા નીગમની 20 કરોડની સહાયથી પ્રોજેકટ પૂર્ણ કરશે. નર્મદા ડેમ પર નર્મદા પોલીસ SRPનાં સુરક્ષા પહેરા બાદ હવે CCTV કેમરાની નિગરાનીમાં મુકવાનો નિર્ણય કર્યો છે. નર્મદા ડેમ રાષ્ટ્રીય સંપતિ છે.
ત્યારે તેની સુરક્ષા અતિમહત્વની બની જાય છે અને તેનો સમાવેશ વાઇટલ ઇન્સ્ટોલેશનમાં પણ કરાયો છે. નર્મદા ડેમ વિંધ્યાચલ અને સાતપુડાની ગીરીમાળાઓની વચ્ચે આવેલ છે. અને ખાસ કરીને નર્મદા ડેમનાં સ્ત્રાવ વિસ્તારમાં 112 સે.મી. વરસાદ પણ વરસે છે. અને મોટાભાગનાં સમયમાં ભારે પવન પણ ફુંકાય છે. ત્યારે આ પ્રકારનાં વિપરીત સંજોગોમાં સમગ્ર વિસ્તાર પર ધ્યાન રાખવુ મુશ્કેલી ભર્યુ છે.
આ પ્રોજેકટ અમલી બનશે જે ગુજરાતમાં પ્રથમવાર હશે સુરક્ષાની દૃષ્ટીએ અતિમહત્વનો ગણાતો નર્મદા ડેમ વિસ્તારમાં સર્વે હાથ ધરીને 44 પોઇન્ટ પર 97 જગ્યા પસંદ કરીને સરદાર સરોવર નર્મદા નિગમને આ માટે ખાસ ફંડ ફાળવવા માટે દરખાસ્ત કરાઇ હતી. જે બાદ પુખ્ત વિચારણાને અંતે નર્મદા નિગમ દ્વારા ખાસ 20 કરોડ ફાળવવામાં આવ્યા છે. જે બાદ નર્મદા ડેમની સુરક્ષા વ્યવસ્થા વધુ મજબુત બનશે તેવો આશાવાદ જીલ્લા પોલીસ વડા મહેન્દ્ર બગડીયાએ વ્યક્ત કર્યો છે.
આ કેમેરા સંપૂર્ણપણે HD અને નાઇટવિઝન કેમેરા હશે. જેમાં 32 કેમેરા PTZ હશે આ કેમેરાથી 360 ડીગ્રી રેકોર્ડ થઇ શકશે. 18 કેમેરા ANPR જેનાથી ડેમ વિસ્તારમાં પ્રવેશનાર પ્રત્યેક ગાડી પર નજર રાખશે અને નમ્બર પ્લેટ રેકોર્ડ કરશે. અને 47 કેમેરા ફિસ્ડ હશે. નર્મદા ડેમ વિસ્તારમાં નોન કનેક્ટીવિટીની સમસ્યા હશે જેથી ખાસ સુવિધા ઉભી કરાશે.