સ્ટેચ્યુ ઓફ યુનિટીની મુલાકાત લેવાના હોવ તો તમારા માટે આવ્યા સારા સમાચાર

નર્મદામાં સ્ટેચ્યુ ઓફ યુનિટીની મુલાકાત લેતા લોકો માટે સારા સમાચાર છે. હવેથી સ્ટેચ્યુ ઓફ યુનિટીની ટિકિટ લેવાના સમયગાળામાં વધારો કરવામાં આવ્યો છે.

પ્રવાસી હવે સવારે 8થી સાંજના 6 વાગ્યા સુધી પ્રવેશ મેળવી શકશે. મહત્વનું છે કે અગાઉ 5 વાગ્યા સુધી ટિકિટ મળતી હતી. જો કે ઉનાળાને ધ્યાનમાં રાખીને હવે ટિકિટ વિતરણનો સમયગાળામાં એક કલાકનો વધારો કરવામાં આવ્યો છે.

શું છે એન્ટ્રી ફી
15 વર્ષ સુધીના બાળકોની એન્ટ્રી ફી 60 રૂપિયા રાખવામાં આવી છે. આ સાથે જ 15 વર્ષથી મોટી ઉંમરના લોકો માટે 120 રૂપિયા ટિકિટ રાખવામાં આવી છે. યુનિટીની 152 મીટરની ઉંચાઈએ વ્યુ ગેલેરી તૈયાર કરવામાં આવી છે.વ્યુ ગેલેરીમાં અંદર જવા માટે 350 રૂપિયા ટિકિટના ચુકવવા પડશે. સ્ટેચ્યુ ઓફ યુનિટી સુધી પહોંચવા માટે લોકોને બસમાં જવું પડશે. લોકો પોતાની ગાડી લઈને પ્રતિમા સુધી નહીં પહોંચી શકે. બસમાં જવા માટેનો 30 રૂપિયા ચાર્જ ચુકવવો પડશે.

શું છે સ્ટેચ્યુ ઓફ યુનિટીની ખાસિયત
સરદાર પટેલની પ્રતિમાં વિશ્વમાં સૌથી ઊંચી 182 મીટરની છે. ન્યૂયોર્કના સ્ટેચ્યૂ ઓફ લિબર્ટીની ઉંચાઈ પણ માત્ર 93 મીટર જ છે. એટલે કે સ્ટેચ્યૂ ઓફ લિબર્ટી કરતા પણ  સ્ટેચ્યુ ઓફ યુનિટી બે ગણી મોટી છે. મહત્વનું છે સ્ટેચ્યુ ઓફ યુનિટીથી ઊંચી વિશ્વમાં એકપણ પ્રતિમા નથી. ચીનના પ્રખ્યાત વેરોકાના બુદ્ધની મૂર્તિ પણ 128 મીટરની જ છે. જ્યારે હૈદરાબાદ સ્થિત સ્ટેચ્યૂ ઓફ ઈક્વાલિટીની ઉંચાઈ 65.8 મીટર છે.

સ્ટેચ્યુ ઓફ યુનિટીને જે સ્થાન પર બનાવાઈ છે. તે અંગે જો વાત કરવામાં આવે તો. માં નર્મદા કિનારે 20 હજાર સ્ક્વેર મીટર જગ્યામાં સ્ટેચ્યુ ઓફ યુનિટીનું નિર્માણ કરવામાં આવ્યું છે. જ્યારે પ્રતિમાની આજુબાજુ 12 સ્ક્વેર કિલોમીટર જગ્યામાં તળાવ બનાવવામાં આવ્યું છે.

પ્રતિમાના નિર્માણ માટે ભારતના 7 લાખ ગામળાઓની પવિત્ર માટી મગાવવમાં આવી હતી. તો ખેડૂતોએ વાપરેલા લોખંડના ખેત ઓજાર પ્રતિકરૂપે એકત્ર કરવામાં આવ્યા હતા. પ્રતિમાના નિર્માણ માટે લોખંડ ભેગુ કરવા માટે લોહાસંગ્રહ અભિયાન પણ ચલાવવામાં આવ્યું હતું અને આજ ખેડૂતોના ઓજારમાંથી આજે આ વિશ્વની સૌથી ઊંચી લોખંડી પુરુષની પ્રતિમા બનાવવામાં આવી છે.

સ્ટેચ્યુ ઓફ યુનિટી માટે નક્કી કરાયા છે અલગ-અલગ દર
15 વર્ષના બાળકોની એન્ટ્રી ટિકિટ 60 રૂપિયા
એડલ્ટને એન્ટ્રી માટે 120 રૂપિયા ટિકિટ રહેશે
સ્ટેચ્યુ ઓફ યુનિટીની વ્યુ ગેલેરીના દર 350 રહેશે 
વ્યુ ગેલેરી સ્ટેચ્યુની 152 મીટરની ઊંચાઈએ તૈયાર કરાઈ છે 
સ્ટેચ્યુ ઓફ યુનિટીથી ડેમ સુધી જવા માટે બસનો દર 30 રૂપિયા રહેશે