નર્મદામાં અનરાધાર મેઘમહેરને લઈને નર્મદા જિલ્લામા પ્રકૃતિ સોળે કળાએ ખીલી હોવાથી આહલાદક દ્રશ્યો સર્જાયા છે.
નર્મદામાં વરસાદને પગલે આહલાદક વાતાવરણ
વરસાદમાં કેવડિયા વિસ્તારમાં કાશ્મીર જેવો માહોલ
સ્ટેચ્યુ ઓફ યુનિટી ઉંચાઈથી આહલાદક દ્રશ્યો
હવામાન વિભાગ દ્વારા કરવામા આવેલી આગાહીને લઈને નર્મદા જિલ્લાના તમામ તાલુકાઓમાં સચરાચર મેઘમહેર થઇ રાહી છે. મેઘાના અવિરત હેતને લઈને મનમોહક નર્મદા જિલ્લાનું વરસાદી વાતાવરણ સોળે કાળાએ ખીલી ઉઠ્યું છે અને નર્મદા ડેમ તેમજ સ્ટેચ્યુ ઓફ યુનિટી નજીક મિની કાશ્મીર જેવા મનમોહક દ્રશ્યો સર્જાયા છે. પ્રવાસીય સ્થળ કેવડિયા વિસ્તારમાં અદભૂત અને આહલાદક વાતાવરણ સર્જાયુ છે. ચારેતરફ લીલી વનરાજી, નર્મદા નદી, સરદાર સરોવર અને આભમાં વાદળોની ફોજ તેમજ ધૂમમ્સ વચ્ચે સરદાર વલ્લભભાઈ પટેલની 182 મીટર ઊંચી પ્રતિમા નિહાળી પ્રવાસીઓ આફરીન પોકારી ઉઠે છે. સ્ટેચ્યુ ઓફ યુનિટીની ઉંચાઈથી આહલાદક દ્રશ્યો પ્રવાસીઓ કેમેરામાં કેદ કરી રહ્યા છે. કાશ્મીર જેવો માહોલ સર્જતાં પ્રવાસીઓમા આનંદ છવાયો છે.
કેવડીયામાં હિલ સ્ટેશન જેવી અનુભૂતિ
ગાઢ ધૂમમ્સ, ઝરમર વરસાદ અને શીત લહેરો વચ્ચે SOU ના પ્રવાસે ઊમટતા પ્રવાસીઓ અલગ જ મોજ પડી રહી છે. સહેલાણીઓ ગાઢ વનરાજી વચ્ચે કુદરતી સૌંદર્યને ભરપૂર માણી રહ્યાં છે. SOU સાથે તેના અન્ય આકર્ષણો અને સાઇટ સીનો ઉપર સેલ્ફી સાથે પ્રવાસનો યાદગાર આનંદ ઉઠાવી રહ્યાં છે. પ્રકૃતિ પ્રેમીઓ અને પ્રવાસના શોખીનો આવા જ વાતાવરણમાં કેવડીયામાં ઉમટી પડી હિલ સ્ટેશન જેવી અનુભૂતિ લઈ રહ્યાં છે.