નર્મદા કેનાલમાં જો તમે એકલા ફરવા જવાનું વિચારતા હોવ તો ચેતી જજો. બેસતા વર્ષે જ બે નર્મદા કેનાલ પાસે ગેંગરેપની બે ઘટના સામે આવી છે બંને ઘટનામાં આરોપીઓ એક જ હોવાની શંકાને પગલે ખળભળાટ મચી ગયો છે. મહિલાઓ સુરક્ષીત હોવાના દાવાઓ કરનાર તંત્રના નાક નીચે આરોપીઓ બેફામ એક પછી એક ઘટનાને અંજામ આપી રહ્યા છે અને તંત્ર શંકા કુશંકાઓને પગલે હજુ તપાસના આટાપાટાઓમાં ગુંચવાયેલુ છે.
બેસતા વર્ષે જ બળાત્કારીઓ ત્રાટક્યા
30મી ઓક્ટોબરે બની બીજી ઘટના
બંને ઘટનામાં ઘણી સામ્યતા છે
આ ઘટના મહેસાણાના કડી પોલીસ સ્ટેશનની છે. વાત જાણે એમ છે કે, દિવાળી ના તહેવારોમાં જ બે મહિલાઓ ઉપર સામૂહિક દુષ્કર્મની ઘટનામાં મહિલાઓ દ્વારા વર્ણન કરવામાં આવેલ આરોપીઓ એક જ જેવા હોવાનું સામે આવ્યુ છે. ત્યારે અમદાવાદ ક્રાઈમબ્રાન્ચ અને ગુજરાત એટીએસ પોલીસ અધિકારીઓ મહેસાણા દોડી ગયા હતા.
બેસતા વર્ષે જ બળાત્કારીઓ ત્રાટક્યા
નવા વર્ષની મધ્યરાત્રીએ બેસતા વર્ષના દિવસે કડી નર્મદા કેનાલ પાસે આવેલા અવાવરૂં જગ્યાએ મજૂર દંપત્તિ રાત્રીના રોકાણ કર્યુ હતુ ત્યારે મધરાતે 3 વાગે એક મોટરસાઈકલ ઉપર 3 અજાણ્યા શખ્શો ધસી આવ્યા હતા અને ચાકુની અણી ઉપર પહેલા દંપત્તીને લૂંટવાની અને પછી ત્રણેય આરોપીઓએ વારાફરતી મજૂર દંપત્તીમાંથી પત્ની ઉપર દુષ્કર્મ ગુજાર્યુ હતુ.
30મી ઓક્ટોબરે બની બીજી ઘટના
દુષ્કર્મનો બીજો બનાવ 30મી ઓક્ટોબરનો છે. આ બનાવતો સમી સાંજ સાત વાગ્યાનો છે જ્યારે એક યુવક અને યુવતી બંને નર્મદા કેનાલ પાસે ફરવા ગયા હતા ત્યારે અગાઉની મોડેસ ઓપરેન્ડી મુજબ જ મોટરબાઈક ઉપર ત્રણ યુવાનો ધસી આવ્યા હતા એને યુવક યુવતીઓને ધમકાવીને યુવતી ઉપર ત્રણેય જણાએ દુષ્કર્મ આચર્યુ હતુ.
બંને ઘટનામાં ઘણી સામ્યતા છે
આ બંને ઘટનાઓમાં ઘણી સામ્યતા છે. વળી ઘટનાના સ્થળ વચ્ચે પાંચેક કિલોમીટરનું જ અંતર છે. અને ઘટનાની નાની વિગતો તેમજ આરોપીઓના પીડિતાઓ દ્વારા કરાયેલા વર્ણન પણ એકસરખા જ છે ત્યારે આ ગેંગરેપમાં બંને ઘટનાના આરોપીઓ એક જ હોવાનું પ્રાથમિક તપાસમાં બહાર આવ્યુ છે
આ અંગે કંઈપણ કહેવું વહેલુ ગણાશેઃ મંજીતા વણઝારા
મહેસાણાના ડેપ્યુટી સુપ્રિટેન્ડેન્ટ ઓફ પોલીસ મંજીતા વણઝારાએ VTVGujarati.comને જણાવ્યું હતુ કે, આ અંગે પોલીસે પીડિતાઓને મેડિકલ તપાસ માટે હોસ્પિટલ મોકલી આપી છે અને તેના રિપોર્ટ આવ્યા બાદ જ કંઈક નક્કર કહી શકાય. ત્યાં સુધી અમે ફરિયાદને આધારે તપાસ કરી રહ્યા છીએ જો કે હજુ સુધી બંને કેસ એક પ્રકારના છે તે કહેવુ વહેલુ ગણાશે. બંને ના ગુનેગારો વિશે પણ રિપોર્ટ બાદ જ કંઈક કહી શકાય. આ રેપ કેસમાં એક વ્યક્તિ દ્વારા કૃત્ય આચરવામાં આવ્યુ છે કે વધુ લોકો દ્વારા તે પણ નિશ્ચીત નથી. એટલે હાલ તો અમે આ વિશે તપાસ કરી રહ્યા છીએ.