આગામી બે વર્ષની અંદર ભારત ટીબી વિરુદ્ધની રસી તૈયાર કરી લેશે. આ રસીની સુરક્ષાને લઈને ત્રીજા તબક્કાનું ટ્રાયલ શરૂ થઈ ચુક્યું છે.
ભારતમાં ટીબી મુક્ત દેશ બનાવાની તૈયારી
ભારતના આ રાજ્યોમાં ચાલી રહ્યું છે ટ્રાયલ
2024 સુધીમાં મળી જશે રસી
ભારતીય તબીબી સંશોધન પરિષદ (ICMR)ની પુણે સ્થિત પ્રયોગશાળા રાષ્ટ્રીય એઈડ્સ અનુસંધાન સંસ્થાએ દાવો કર્યો છે કે, આગામી બે વર્ષની અંદર ભારત ટીબી વિરુદ્ધની રસી તૈયાર કરી લેશે. આ રસીની સુરક્ષાને લઈને ત્રીજા તબક્કાનું ટ્રાયલ શરૂ થઈ ચુક્યું છે, જે 2024 સુધીમાં પુરુ થઈ જશે.
6 રાજ્યોમાં ચાલી રહ્યું છે ટ્રાયલ
એનએઆરઆઈના વૈજ્ઞાનિક ડો. સુચિત કામ્બલેએ જણાવ્યું હતું કે, લાળ સંબંધી પોઝિટિવ પલ્મોનરી ટીબી દર્દીથી સ્વસ્થ વ્યક્તિમાં ટ્યૂબરકુલોસિસના સંચારને રોકવાની કોશિશ ચાલી રહી છે. તેના માટે બે ટીબી રસી વીપીએમ 1002 અને ઈમ્યૂનોવૈકની પ્રભાવકારિતા અને સુરક્ષાને પરખવા માટેનું ટ્રાયલ ચાલી રહ્યું છે. આ ટ્રાયલ છ રાજ્યો મહારાષ્ટ્ર, દિલ્હી, તેલંગણા, તમિલનાડૂ, કર્ણાટક અને ઓડિશાના 18 શહેરોમાં ચાલી રહ્યું છે.
ટ્રાયલ માટે 12,000 લોકોનું રજીસ્ટ્રેન
ટ્રાયલ માટે છ વર્ષ અથવા તેનાથી ઉપરના 12,000 લોકોએ રજીસ્ટ્રેશન કરાવ્યું છે. હવે 2024 સુધી આ કામ પુરુ થઈ જશે. મહારાષ્ટ્રમાં ટ્રાયલ માટે કુલ 1593 લોકોએ રજીસ્ટ્રેશન કરાવ્યું છે. આ લોકો પર 38 મ હરિના સુધી નિયમિત અંતરે નજર રાખવામાં આવી રહી છે. પુણેમાં 2024 સુધીમાં ફોલોઅપ ટ્રાયલ પુરુ થવાની સંભાવના છે.
2025 સુધીમાં ટીબી મુક્ત થશે ભારત
કામ્બલેએ કહ્યું કે, આંકડાના વિશ્લેષણ બાદ વૈજ્ઞાનિક નિષ્કર્ષના આધાર પર અમે આ રસીની પ્રભાવકારિતા અને સુરક્ષા વિશે કોઈ નિષ્કર્ષ પર પહોચીએ છીએ. અમને આશા છે કે, 2024 સુધી અથવા તો વધુમાં વધુ 2025 સુધીમાં ભારત પાસે ટીબી વિરુદ્ધ સારામાં સારી અને અસરકારક રસી ઉપલબ્ધ હશે. આપને જણાવી દઈએ કે, 2025 સુધી ભારતે દેશને ટીબી મુક્ત બનાવાનું લક્ષ્ય નક્કી કર્યું છે.