બોલિવૂડમાં ઈમ્તિયાઝ અલીની સુપરહિટ ફિલ્મ 'રોકસ્ટાર'થી ડેબ્યૂ કરનાર અમેરિકન મોડલ અને એક્ટ્રેસ નરગિસ ફખરી છેલ્લા ઘણાં સમયથી ફિલ્મોથી દૂર છે. જોકે, નરગિસ રોકસ્ટાર પછી મદ્રાસ કેફે, મૈં તેરા હીરો અને હાઉસફુલ-3 જેવી સુપરહિટ ફિલ્મોમાં કામ કરી ચૂકી છે. નરગિસે હોલિવૂડ ફિલ્મ 'સ્પાય'માં પણ કામ કર્યું છે. નરગિસ ભલે ફિલ્મોથી દૂર છે પરંતુ તેણે હાલના એક ઈન્ટરવ્યૂને કારણે તે ફરી ચર્ચામાં આવી ગઈ છે.
નરગિસે એક ઈન્ટરવ્યૂમાં કર્યા ચોંકાવનારા ખુલાસા
ડાયરેક્ટર્સ શારીરિક સંબંધ બનાવવાની કરતા હતા માગ
શરતો ન માનવા પર સારી ફિલ્મો હાથમાંથી ગઈ
ડાયરેક્ટર્સે શારીરિક સંબંધ બનાવવા કહ્યું હતું
નરગિસે હાલમાં જ પૂર્વ પોર્ન સ્ટાર બ્રિટની દેલા મોરાને એક ઈન્ટરવ્યૂમાં જણાવ્યું કે તેણે ક્યારેય ન્યૂડ ફોટોગ્રાફી કરાવી નથી અને કોઈ જ ડાયરેક્ટર સાથે શારીરિક સંબંધ પણ બનાવ્યો નથી. નરગિસે આ વાતનો ખુલાસો કરતા કહ્યું કે, તેને ઘણાં ડાયરેક્ટર્સે શારીરિક સંબંધ બનાવવા કહ્યું હતું અને તે માટે ઈન્કાર કરવા પર તેના હાથમાંથી ઘણી ફિલ્મો પણ જતી રહી હતી.
બ્રિટની નરગિસને પૂછ્યું, ''તમે તમારા માટે કઈ સીમાઓ નક્કી કરી છે, જેમ કે મને ખબર હતી કે મારે લાઈફમાં શું કરવું છે, પરંતુ હું પોર્ન ઈન્ડસ્ટ્રીમાં આવી ગઈ. તો તમે તમારી લાઈફમાં કઈ બાઉન્ડ્રી સેટ કરી છે.' આના જવાબમાં નરગિસે કહ્યું, 'મારી માતાએ જે રીતે મારો ઉછેર કર્યો છે તેના આધારે મેં નિર્ણય લીધો. મારી માતાએ મને પુરૂષો, સેક્સ અને રિલેશનશિપ્સ અંગે ડરાવી દીધી હતી અને ત્યાંથી જ મેં સેક્સ કે ક્યારેય ન્યૂડ ન થવાનું નૈતિક શિક્ષણ મેળવ્યું છે'.
આ કારણથી નરગિસને ન મળ્યું કામ
વધુમાં નરગિસે કહ્યું, 'આ સિવાય હું બહુ જ શરમાળ છું અને મેં મારા મિત્રોની ભૂલો પણ જોઈ છે. હું પ્રખ્યાત થવા માટે કંઈપણ ન કરી શકું એટલે જ મેં ન્યૂડ થવું કે કોઈ ડાયરેક્ટર સાથે શારીરિક સંબંધ બનાવવા જેવા કામ કર્યા નથી અને આ જ કારણથી મને કામ ન મળ્યું. આવું મારી સાથે અનેક વખત થયું છે.'