નરગિસ ફાખરીએ ઈન્ડસ્ટ્રીમાં પગ મુકતાની સાથે જ દર્શકોના દિલો પર રાજ કર્યું છે.
બોલિવુડ એક્ટ્રેસે કર્યા ચોંકાવનારા ખુલાસા
કરિયરને લઈને કહી આ વાત
લગાવ્યા ગંભીર આરોપો
બોલિવુડ એક્ટ્રેસ નરગિસ ફખરીને આજે કોઈ ઓળખાણની જરૂર નથી. હાલ તે પોતાના કરિયરમાં કંઈ ખાસ નથી કરી રહી. પરંતુ નરગિસે ક્યારેય મુશ્કેલીઓ સામે હાર નથી માની. એક્ટ્રેસે 2011માં રિલીઝ થયેલી ફિલ્મ 'રોકસ્ટાર' દ્વારા પોતાના અભિનય કરિયરની શરૂઆત કરી હતી. પોતાની પહેલી જ ફિલ્મથી તે રાતો રાત સ્ટાર બની ચકી હતી.
પહેલી ફિલ્મમાં સફળતા બાદ નરગિસને એટલી લોકપ્રિયતા ન મળી જેટલી તેના પર આશા હતી. 'રોકસ્ટાર' બાગ દર્શકોને એવું લાગવા લાગ્યું હતું કે નરગિસ જરૂર મોટી એક્ટ્રેસને ટક્કર આપશે. જોકે એવું કંઈ ન થયું. હવે નરગિસ કરિયરને લઈને એક નિવેદન આપ્યું છે જેની ચર્ચા થઈ રહી છે.
ફેમ માટે ભૂખી નથી નરગિસ
નરગિસે હાલમાં જ એક ઈન્ટરવ્યૂમાં પોતાના કરિયરની મુશ્કેલીઓ વિશે વાત કરી છે. તેનું કહેવું છે કે તે ફેમ માટે ભૂખી નથી. તેમણે પોતાના માટે અમુક લિમિટ નક્કી કરી છે. નરગિસે આગળ કહ્યું કે, 'ન્યૂડ પોઝ ન આપવાના કારણે અને ડાયરેક્ટર સાથે ન સુવાના કારણે તેણે ઘણી તકો ગુમાવી છે. આ ખરેખર હાર્ટ બ્રેકિંગ છે. '
આ વાતથી ખૂબ ખરાબ લાગે છે
નરગિસનું કહેવું છે કે તે એ જગ્યા પર ટકી રહેવાનો પ્રયત્ન કરી રહી છે. જ્યાં તેનું હાઈ સ્ટાન્ડર્ડ છે. એક્ટ્રેસે કહ્યું, 'ખૂબ ખરાબ લાગે છે કે આ કારણે મારા હાથમાંથી ઘણા પ્રોજેક્ટ્સ જતા રહ્યા છે અને તેના કારણે ખૂબ દુઃખ પણ થાય છે. જોકે હું પોતાને એ સમજાવું છું કે જે લોકો પોતાના મુલ્યો પર ટકેલા છે તેમની જીત થાય છે. '
બોલિવુડમાં ખુશ છે
નરગિસે કહ્યું કે તે બોલિવુડમાં ખૂબ જ ખુશ છે. કારણ કે તે ઈન્ટિમેટ સીન્સ નથી કરતી. જ્યારે મોડલિંગમાં ઘણી વખત તેના નેકેડ શોટ્સ અને ટોપલેસ થવા પર પણ પુછવામાં આવ્યું હતું. જેમાં તે બિલકુલ પણ કંફર્ટેબલ નથી.