તબિયત / નરેશ કનોડિયાની સ્થિતિ લથડતા વેન્ટિલેટર પર ખસેડાયા, હિતુ કનોડિયાએ પ્રાર્થના કરવા કરી અપીલ

• નરેશ કનોડિયા વેન્ટિલેટર પર 
• યુ.એન.મહેતામાં લઇ રહ્યાં છે સારવાર 
• હિતુ કનોડિયાએ કરી ટ્વિટ

ગુજરાતી ફિલ્મ સ્ટાર નરેશ કનોડિયાની તબિયત લથડી છે. નરેશ કનોડિયા હાલ કોરોનાની સારવાર લઇ રહ્યા છે. નરેશ કનોડિયાનું ઓક્સિજન લેવલ ઘટના વેન્ટિલેટર પર રખાયા છે. નરેશ કનોડિયાની યુ.એન.મહેતા હોસ્પિટલમાં સારવાર ચાલી રહી છે.

Please pray for our Naresh Kanodia.

— hitu kanodia (@hitukanodia) October 21, 2020

ગુજરાતી સિનેમામાં પોતાનો ડંકો વગાડનાર નરેશ કનોડિયા હાલ વેન્ટીલેટર પર છે ત્યારે તેમના પુત્ર હિતુ કનોડિયાએ પ્રાર્થના કરવા માટે અપીલ કરી હતી. લોકોએ પણ તેમના પ્રિય કલાકાર માટે ભગવાનને પ્રાર્થના કરી હતી. 

દવાખાનામાંથી એ્ક્ટર અને પૂર્વ ધારાસભ્ય નરેશ કનોડિયાનો એક ફોટો સામે આવ્યો છે. જેમાં તે ઓક્સિજન માસ્ક લગાવીને સારવાર લેતા જોવા મળે છે. એક્ટરની તબિયતને લઇને દિકરા હિતુ કનોડિયાએ પણ ટ્વિટ કર્યુ હતુ અને તેમના માટે પ્રાર્થના કરવા અપીલ કરી હતી. 

નોંધનીય છે કે, ગુજરાતમાં જ્યારે પહેલો કેસ આવ્યો હતો ત્યારે નરેશે ભાગ કોરોના ભાગ નામનુ ગીત બનાવીને લોકોનુ ધ્યાન તેમના તરફ કેન્દ્રિત કર્યુ હતુ. 

નરેશ કનોડિયાનો જન્મ 20 ઓગસ્ટ 1943મા રોજ મહેસાણા પાસે આવેલા કનોડા ગામે થયો હતો. એક્ટિંગ ક્ષેત્રમાં આવ્યા બાદ તેમણે ઘણી જ સુપરહિટ ફિલ્મો આપી. 

નરેશના પરિવારમાં તેમનો એક પુત્ર હિતુ કનોડિયા છે, તે પણ એક એક્ટર છે અને તેણે મોના થીબા સાથે લગ્ન કર્યા છે. બંનેનો એક દિકરો રાજવીર છે અને કનોડિયા પરિવાર ગાંધીનગરમા રહે છે.