સમગ્ર દુનિયા આજે કોરોના સામે લડી રહી છે, સરકારે કેટલીક ગાઇડલાઇન્સ આપી છે તે ફોલો કરવા છતાં રોજ અઢળક કેસ સામે આવી રહ્યાં છે.
નરેશ કનોડીયાનો રિપોર્ટ પણ પોઝીટીવ
ઓક્સિજન માસ્ક લગાવીને સારવાર
કનોડિયા પરિવાર ગાંધીનગરમા રહે છે
હાલમાં જ ગુજરાતી ફિલ્મોના સુપરસ્ટાર નરેશ કનોડીયાનો રિપોર્ટ પણ પોઝીટીવ આવતા તેમને અમદાવાદની હોસ્પિટલ યુ.એન.મહેતામાં દાખલ કરવામાં આવ્યા છે.
દવાખાનામાંથી એ્ક્ટર અને પૂર્વ ધારાસભ્ય નરેશ કનોડિયાનો એક ફોટો સામે આવ્યો છે. જેમાં તે ઓક્સિજન માસ્ક લગાવીને સારવાર લેતા જોવા મળે છે. એક્ટરની તબિયતને લઇને દિકરા હિતુ કનોડિયાએ પણ ટ્વિટ કર્યુ હતુ અને તેમના માટે પ્રાર્થના કરવા અપીલ કરી હતી.
નોંધનીય છે કે, ગુજરાતમાં જ્યારે પહેલો કેસ આવ્યો હતો ત્યારે નરેશે ભાગ કોરોના ભાગ નામનુ ગીત બનાવીને લોકોનુ ધ્યાન તેમના તરફ કેન્દ્રિત કર્યુ હતુ.
નરેશ કનોડિયાનો જન્મ 20 ઓગસ્ટ 1943મા રોજ મહેસાણા પાસે આવેલા કનોડા ગામે થયો હતો. એક્ટિંગ ક્ષેત્રમાં આવ્યા બાદ તેમણે ઘણી જ સુપરહિટ ફિલ્મો આપી.
નરેશના પરિવારમાં તેમનો એક પુત્ર હિતુ કનોડિયા છે, તે પણ એક એક્ટર છે અને તેણે મોના થીબા સાથે લગ્ન કર્યા છે. બંનેનો એક દિકરો રાજવીર છે અને કનોડિયા પરિવાર ગાંધીનગરમા રહે છે.