ઉત્તરાખંડ / કોંગ્રેસમાં ચા વાળાની પત્નીએ ચૂંટણી જીતી, પાર્ટીએ કહ્યું આ છે સાચા સિપાહી

• મંજૂએ પોતાના નજીકના પ્રતિસ્પર્ધીને 15 મતોથી હરાવ્યા
• એક ચા વાળો દેશમાં ઉચ્ચ સ્થાન પર છે, તો મારા અન્ના પોતાના ગામના ઉચ્ચ પદ પરઃ કોંગ્રેસ
• પાર્ટીના નેતા મને જે પણ કરવાનું કહે છે, હું કરૂ છુંઃ નરેન્દ્રસિંહ

પ્રદેશ કોંગ્રેસ પ્રવક્તા ગરિમા દસૌનીએ કહ્યું કે, તેઓ કોંગ્રેસના એક સાચા સિપાહી છે. પાર્ટી તેમની પત્નીના વિજયથી ગર્વ અનુભવે છે. તમામ નેતાઓ અભિનંદન આપી રહ્યા છે. તેમણે યોગ્ય માહોલ બનાવવા માટે માત્ર 15 દિવસની રજા લીધી હતી. પાર્ટીના એક નેતાએ ટ્વિટ કરતા કહ્યું કે, જ્યારે એક ચા વાળો દેશમાં ઉચ્ચ સ્થાન પર છે, તો મારા અન્ના પોતાના ગામના ઉચ્ચ પદ પર બિરાજમાન છે.

નરેન્દ્ર એ આ જીત પર કહ્યું કે, જો કોઇ ચા વાળા પ્રધાનમંત્રી બની શકે છે, તો નરેન્દ્રસિંહ ગામના વડા કેમ ન બની શકે? ચા અને પાણી પિવરાવવું શ્રેષ્ઠ કાર્ય છે. નરેન્દ્રનું કહેવું છે કે પાર્ટીના નેતા મને જે પણ કરવાનું કહે છે, હું કરૂ છું. તેમણે જણાવ્યું કે, ગામ લોકો જેમાંની વધુ પડતી મહિલાઓએ સલાહ આપી છે કે મંજૂને મહિલા સશક્તિકરણની દિશામાં એક કદમ રૂપમાં ચૂંટણી લડવી જોઇએ. અમે બન્નેએ નામાંકન દાખલ કર્યું, પરંતુ મેં મતદારોને તેનું સમર્થન કરવા કહ્યું.

નરેન્દ્રએ 10માં ધોરણ સુધી અભ્યાસ કર્યો છે. મંજૂ કલામાં ગ્રેજ્યુએટનો અભ્યાસ કરી રહી છે, અને દંપતિનો એક વર્ષનો દીકરો પણ છે. ઉલ્લેખનીય છે કે ઉત્તરાખંડમાં 356 જિલ્લા પંચાયત સભ્યો, 2,674 બીડીસી સભ્યો, 5,847 સરપંચો અને 3,824ની ગ્રામ પંચાયત માટે મતદાન થયું હતું. જેમ કે મંગળવારે પરિણામ જાહેર કરવામાં આવ્યા હતા, ભાજપ અને કોંગ્રેસ બન્નેએ દાવો કર્યો છે કે તેમના દ્વારા સમર્થિત ઉમેદવારોને વધુ બેઠકો જીતી છે.