PM મોદી લોન્ચ કરશે ઇન્ડિયા પોસ્ટ પેમેન્ટ્સ બેંક 21 ઓગસ્ટથી થશે શરૂ

નવી દિલ્હી: પ્રધાનમંત્રી નરેન્દ્ર મોદી 21 ઓગસ્ટે ઇન્ડિયા પોસ્ટ પેમેન્ટ્સ બેંકને લોન્ચ કરશે. દેશના દરેક જિલ્લામાં આ બેંકની બ્રાંચ હશે અને આ ગ્રામણી ક્ષેત્રોમાં ફાઇનાન્સિયલ સર્વિસ પર ફોકસ કરશે. કોમ્યિનિકેશન મિનિસ્ટ્રીના એક અધિકારીએ જણાવ્યું કે બેંકની બે શાખાઓ પહેલાથી કામ કરી રહી છે અને દેશના પ્રત્યેક જિલ્લામાં 648 શાખાઓ લોન્ચ કરવામાં આવશે. 

ગ્રામીણ ક્ષેત્રોમાં બેંકિંગ અને ફાઇનાન્સિયલ સર્વિસ ઉપલબ્ધ કરાવવા માટે IPPB 1.55 લાખ પોસ્ટ ઓફિસની શાખાઓનો ઉપયોગ કરશે. અધિકારીએ કહ્યું કે સરકાર આ વર્ષના અંત સુધી પોસ્ટ ઓફિસની દરેક 1.55 લાખ શાખાઓને IPPB સર્વિસની સાથે જોડવાનો પ્રયત્ન કરી રહી છે. 

જણાવી દઇએ કે ઇન્ડિયા પોસ્ટ પેમેન્ટ્સ બેંકે રિઝર્વ બેંક ઓફ ઇન્ડિયા સાથે કામકાજ શરૂ કરવા માટે ક્લિયરન્સ મળ્યા બાદ ઓગસ્ટમાં 650 શાખાઓ અને લગભગ 17 કરોડ ખાતા સુધી પહોંચવાની આશા વ્યક્ત કરી છે.