ક્રિકેટ / 11 પિચ, મેદાનમાં નહીં દેખાય પડછાયો, નરેન્દ્ર મોદી સ્ટેડિયમની ખાસિતયો જાણવા જેવી

• નારણપુરમાં બનશે સરદાર પટેલ સ્પોર્ટ્સ એન્ક્લેવ
• લાલ અને કાળી માટીથી 11 પીચો તૈયાર કરાઈ
• સ્ટેડિયમની પાસે સ્પોર્ટ્સ કોમ્પ્લેક્ષ બનાવાશે

નરેન્દ્ર મોદીનું સપનુ સાકાર થયુ 

ગુજરાતનાં અમદાવાદમાં બુધવારે વિશ્વનાં સૌથી મોટા ક્રિકેટ સ્ટેડિયમ નરેન્દ્ર મોદી સ્ટેડિયમનું ઉદઘાટન રાષ્ટ્રપતિ રામનાથ કોવિંદ અને ગૃહમંત્રી અમિત શાહે કર્યું. જે દરમિયાન અમિત શાહે કહ્યું કે, અમદાવાદને હવે સ્પોર્ટ્સ સિટીનાં નામથી ઓળખવામાં આવશે, જે સપનુ નરેન્દ્ર મોદીએ ગુજરાતનાં મુખ્યમંત્રી તરીકે જોયુ હતું, જે આજે પુરુ થયુ છે. ગૃહ મંત્રી અમિત શાહે કહ્યું કે, સરદાર પટેલ સ્પોર્ટ્સ એન્ક્લેવ, નરેન્દ્ર મોદી સ્ટેડિયમ અને નારણપુરમાં બનનાર સ્પોર્ટ્સ કોમ્પ્લેક્સ આ ત્રણેય મળીને કોઈ પણ આંતરરાષ્ટ્રીય સ્પર્ધામાં રમાતી રમતોને આંતરરાષ્ટ્રીય સ્તર પર રમવાની પૂરી વ્યવસ્થા એક જ શહેરમાં એક જ સ્થળ પર રહેશે. સ્પોર્ટ્સ એન્ક્લેવમાં વિશ્વની બધી રમતોની વ્યવસ્થા હશે.

Coupled with Sardar Vallabhbhai Patel Sports Enclave & Narendra Modi Stadium in Motera, a sports complex will also be built in Naranpura. These 3 will be equipped to host any international sports event. Ahmedabad to be known as the 'sports city' of India: Union Home Min Amit Shah pic.twitter.com/4qkn4gBs04

— ANI (@ANI) February 24, 2021

નરેન્દ્ર મોદી સ્ટેડિયમ 63 એકરમાં ફેલાયેલુ

સ્ટેડિયમની ખાસિયતો અંગે વાત કરતા ગૃહમંત્રી અમિત શાહે કહ્યું કે, આ સ્ટેડિયમની ક્ષમતા 1.32 લાખ છે, જેનાથી આ વિશ્વનાં સૌથી મોટા ક્રિકેટ સ્ટેડિયમ સાથે વિશ્વનું સૌથી મોટુ સ્પોર્ટ્સ સ્ટેડિયમ પણ છે. અહીં એક દિવસમાં 2 અલગ અલગ રમતોની મેજબાની કરી શકાય છે. અમિત શાહે જણાવ્યું કે, નરેન્દ્ર મોદી સ્ટેડિયમ 63 એકરમાં ફેલાયેલુ છે. જેને બનાવવામાં આશરે 700 કરોડ રુપિયા લાગ્યા છે. મેદાનમાં કુલ 11 પીચ તૈયાર કરાઈ છે. જેમાં લાલ અને કાળી માટીનાં ઉપયોગથી અલગ-અલગ પીચ બનાવાઈ છે. 

236 એકરમાં સ્પોર્ટ્સ એન્ક્લેવ તૈયાર કરાશે

ખેલાડીઓ માટે ખાસ ડ્રેસિંગ રુમ તૈયાર કરવામાં આવ્યા છે. જેમાં જીમ પણ છે, એકસાથે ચાર ડ્રેસિંગ રુમ વાળુ આ પહેલુ સ્ટેડિયમ છે. ગૃહમંત્રી અમિત શાહે કહ્યું કે, સ્ટેડિયમમાં કોઈ પડછાયો નહીં દેખાય, વરસાદની પણ કોઈ અસર નહીં રહે, આશરે 600 સ્કૂલોને આ સ્ટેડિયમ સાથે જોડવામાં આવ્યું છે. બધી સ્કૂલોનાં બાળકોને ત્યાં લઈ જવામાં આવશે અને રમવાની તક આપવામાં આવશે. સ્ટેડિયમની પાસે જે સ્પોર્ટ્સ કોમ્પ્લેક્ષ બની રહ્યું છે, જે પૂરા વિસ્તારમાં 20 સ્ટેડિયમ તૈયાર કરવામાં આવશે જેમાં અલગ-અલગ સ્પોર્ટ્સ માટે વ્યવસ્થા હશે. સરદાર વલ્લભભાઈ પટેલ સ્પોર્ટ્સ એન્ક્લેવમાં ઓલમ્પિક સ્તરની સુવીધાઓ હશે. આ 236 એકરમાં બનાવવામાં આવશે. જેમાં વિશ્વનું સૌથી મોટુ ક્રિકેટ સ્ટેડિયમ, નૈટટોરિયમ, એથલેટિક્સ-ટ્રેક એન્ડ ફિલ્ડ-ફૂટબોલ સ્ટેડિયમ, ફિલ્ડ હોકી અને ટેનિસ સ્ટેડિયમ, ઈન્ડોર સ્પોર્ટ્સ હોલ-એરેનાસ, વેલ્ડેડ-સ્કેટીંગ ક્ષેત્ર, વચ્ચે વોલીબોલ સુવિધા, બોટિંગ સેન્ટર હશે.