રાજ્યસભામાં PM મોદીએ આપેલા ભાષણમાંથી એક શબ્દનો રેકોર્ડ હટાવવામાં આવ્યો છે. ગુરુવારે રાજ્યસભામાં રાષ્ટ્રપતિનાં અભિભાષણની આભાર પ્રસ્તાવમાં PM મોદીએ કેટલાક મુદ્દાઓ પર વિપક્ષને ઘેર્યું હતું. આ દરમિયાન વડાપ્રધાન એક એવો શબ્દ બોલ્યા હતા કે તે શબ્દને સદનની કામગીરીમાંથી હટાવી દેવાયો છે.
PM મોદીના ભાષણમાંથી એક શબ્દ હટાવાયો
PM મોદીનો કયો શબ્દ હટાવવામાં આવ્યો
કેમ આ શબ્દ ભાષણમાંથી હટાવવામાં આવ્યો
આભાર પ્રસ્તાવના દરમિયાન PM મોદીએ એક શબ્દોનો ઉપયોગ કર્યો
બજેટ સત્રની શરુઆતમાં સંસદના બન્ને સભ્યોની બેઠકમાં રાષ્ટ્રપતિને અભિભાષણ આપવામાં આવ્યું હતું. જેમાં આભાર પ્રસ્તાવના દરમિયાન PM મોદીએ એક શબ્દોનો ઉપયોગ કર્યો હતો. જેને રાજ્યસભાનાં સભારતિ એમ વેંકૈયા નાયડૂએ હટાવી દીધો છે.
એક નિશ્ચિત ભાગને હટાવી દીધો હતો
રાજ્યસભા સચિવાલય તરફથી જાહેર કરવામાં આવેલા નિવેદનમાં , ‘સભાપતિએ 6 ફેબ્રુઆરી સાંજે 6.20થી 6.30 વાગ્યા સુધી રાજ્યસભાની કામગીરીનાં એક નિશ્ચિત ભાગને હટાવી દીધો હતો.’આ ઉપરાંત નાડયુએ વિપક્ષ નેતા અને કોંગ્રેસનાં વરિષ્ઠ નેતા ગુલામ નબી આઝાદનાં તથા PMનાં એક નિવેદનમાંથી એક શબ્દ હટાવી દેવામાં આવ્યો છે. PMનાં ભાષણ પછી તરત ગુલામ નબી આઝાદનું ભાષણ શરુ કરી દિધું હતું.
NPR પર PMએ વિપક્ષને ઘેર્યું હતું અને આ શબ્દ વાપર્યો હતો
રાજ્યસભામાં પોતાના ભાષણ દરમિયાન PM મોદીએ NPRના મુદ્દે વિપક્ષને ઘેર્યુ હતું. રાજ્યસભામાં PM એ કહ્યું કે, ‘વસ્તી ગણતરી અને NPR સામાન્ય એડમિનિસ્ટ્રેટીવ કામ છે. 2010માં NPRનું સંચાલન કરતાં કોઈ સમસ્યા નહોતી થઈ? આ શાસનનો મુદ્દો છે. તેમ કહી NPRને લઈને વિપક્ષ પર ‘ખોટુ’ બોલવાનો આરોપ લગાવ્યો હતો. ‘ખોટુ’એ અસંસદીય શબ્દ છે જેથી તેને હટાવી દેવામાં આવ્યો હતો. સાથે સાથે PMએ એમ પણ કહ્યું હતું કે જમ્મું કાશ્મીરની કલમ 370ને હટાવ્યા બાદ પહેલીવાર થયેલી કામગીરી અંગે જણાવ્યું હતું.