ઇંગ્લેન્ડ સામે રમાયેલી પ્રથમ T20 મેચમાં ટીમ ઇન્ડિયાની હરલીન દેઓલના શાનદાર કેચની સૌ કોઈ પ્રશંસા કરી રહ્યા છે અને હવે PM નરેન્દ્ર મોદીએ પણ હરલીનના વખાણ કાર્ય છે.
હરલીન દેઓલે મેચમાં કર્યો હતો શાનદાર કેચ
સોશિયલ મીડિયા પર વાયરલ થઈ રહ્યો વિડીયો
PM મોદીએ કર્યા હરલીન દેઓલના વખાણ
ઇંગ્લેન્ડ સામે રમાયેલી પ્રથમ T20 મેચમાં ટીમ ઇન્ડિયાની હરલીન દેઓલના અનોખા કેચનો વિડીયો સોશિયલ મીડિયા ઝડપથી વાયરલ થઈ રહ્યો છે. સંપૂર્ણ વિશ્વમાં તેના શાનદાર કેચના વખાણ થઈ રહ્યા છે. આ દરમિયાન PM નરેન્દ્ર મોદી પણ આ સ્ટાર ખેલાડીની પ્રશંસા કરી રહી છે.
PM મોદીએ કર્યા હરલીન દેઓલના વખાણ
PM મોદીએ તેમના આધિકારિક ઈંસ્ટાગ્રામ એકાઉન્ટ દ્વારા હરલીન દેઓલનો વિડીયો શેર કર્યો છે. PM મોદીએ હરલીનને ટેગ કરી વિડીયો તેમની ઈંસ્ટા સ્ટોરી પર શેર કર્યો હતો અને લખ્યું હતું કે, 'Phenomenal, well done'. હરલીનના શાનદાર કેચે દરેકને ચોંકાવી દીધા હતા.હરલીનના કેચનો વિડીયો સોશિયલ મીડિયા પર ઝડપથી વાયરલ થઈ રહ્યો છે. સંપૂર્ણ વિશ્વમાં તેના શાનદાર કેચના વખાણ થઈ રહ્યા છે.
હરલીને બાઉન્ડ્રી લાઈન પર કર્યો હતો શાનદાર કેચ
ઇંગ્લેન્ડ સામે રમાયેલી પ્રથમ T20 મેચમાં હરલીન દેઓલે ઇંગ્લેન્ડની બેટ્સમેન એમી જોન્સનો બાઉન્ડ્રી લાઈન પર એક શાનદાર કેચ કરીને તેને પેવેલિયન તરફ પરત મોકલી હતી. ઇંગ્લેન્ડની એમી જોન્સે શિખા પાંડેની બોલિંગ પર સિક્સ મારવાનો કરવાનો પ્રયત્ન કર્યો હતો પરંતુ જે રીતે હરલીને ફિલ્ડીંગ કરી છે તે દ્રશ્ય અદ્ભુત હતું. જોકે બાઉન્ડ્રી લાઈન હરલીનના નજીક હતી, પરંતુ બાઉન્ડ્રી પર ફિલ્ડીંગ કરી રહેલી હરલીને જંપ મારીને બોલને કેચ કરી બાઉન્ડ્રીની બહાર તરફ ફેકી દીધો. ત્યારબાદ હરલીને ડાઈવ મારીને બાઉન્ડ્રી લાઈન પર શાનદાર કેચ કર્યો હતો.
સૌ કોઈ કરી રહ્યા છે હરલીન દેઓલની પ્રશંસા
સોશિયલ મીડિયા પર દરેક જગ્યાએ હરલીનના કેચના વખાણ થઇ રહ્યા છે. તે ઉપરાંત ભારતીય મહિલા ક્રિકેટ ટીમની કેપ્ટન મિતાલી રાજ, માસ્ટર-બ્લાસ્ટર સચિન તેંડુલકર, હરભજન સિંહ, સુરેશ રૈના અને ઘણા અન્ય દિગ્ગજ ખેલાડીયોઈ પણ હરલીનની પ્રશંશા કરી છે. ભારતીય મહિલા ટીમ અને ઇંગ્લેન્ડ ટીમ વચ્ચે રમાયેલી પ્રથમ T20 મેચમાં ઇંગ્લેન્ડે ટીમ ઇન્ડિયાને 18 રનથી પરાજિત કરી હતી.