IPLIN
 

BIG NEWS / બે દિગ્ગજ એક મંચ પર: PM મોદીએ પુતિનને યુદ્ધ પર આપ્યો ખાસ મંત્ર, રશિયા અને યુક્રેનનો આભાર વ્યક્ત કર્યો

Team VTV 07:22 PM, 16 Sep 22 | Updated: 07:31 PM, 16 Sep 22
Follow us
narendra modi pm vladimir putin meets at sco in samarkand

સમરકંદમાં શંઘાઈ સહયોગ સંગઠન શિખર સંમેલન દરમિયાન ભારતીય પ્રધાનમંત્રી નરેન્દ્ર મોદી અને રશિયાના રાષ્ટ્રપતિ વ્લાદીમીર પુતિનની મુલાકાત થઈ.

  • સમરકંદમાં શિખર સંમેલનમાં મોદી અને પુતિન મળ્યા
  • બે દિગ્ગજ નેતાઓ એક મંચ પર ભેગા થયા
  • પીએમ મોદીએ યુદ્ધને લઈને શાંતિનો સંદેશો આપ્યો

સમરકંદમાં શંઘાઈ સહયોગ સંગઠન શિખર સંમેલન દરમિયાન ભારતીય પ્રધાનમંત્રી નરેન્દ્ર મોદી અને રશિયાના રાષ્ટ્રપતિ વ્લાદીમીર પુતિનની મુલાકાત થઈ. આ દરમિયાન પ્રધાનમંત્રી મોદી અને રશિયાના રાષ્ટ્રપતિ વ્લાદિમીર પુતિન વચ્ચે વાતચીત થઈ હતી. પીએમ મોદીએ ઈશારા-ઈશારામાં રશિયાના રાષ્ટ્રપતિને યુદ્ધને લઈને સલાહ પણ આપી દીધી હતી. તેમણે સ્પષ્ટ કહ્યું કે, આ યુગ યુદ્ધનો નથી. તેમણે કહ્યું કે, ડેમોક્રેસી, ડિપ્લોમેસી અને ડાયલોગથી દુનિયાને સાચો મેસેજ જશે. તો વળી ઊર્જા-સુરક્ષા પર જ પણ આ દરમિયાન ચર્ચા થઈ હતી. પહેલા આ મીટિંગ અડધો કલાક થવાની હતી, પણ બંને વચ્ચે લગભગ એક કલાક સુધી મુલાકાત ચાલી હતી. 

પુતિને રશિયાની યાત્રા પર નિમંત્રણ આપ્યું

આ દરમિયાન રશિયાના રાષ્ટ્રપતિએ ભારતના પ્રધાનમંત્રી મોદીને રશિયાની મુલાકાત લેવા નિમંત્રણ આપ્યું છે. તેમણે કહ્યું કે, આપણી વચ્ચે કંસ્ટ્રક્ટિવ સંબંધો રહ્યા છે. સાથે જ તેમણે કહ્યું કે, ભારતે રશિયા પાસેથી ફર્ટિલાઈઝરની જે માગ કરી છે, તેને પુરી કરીશું. આશા છે કે, ભારતના કૃષિ ક્ષેત્રમાં મદદ હશે. તેમણે ઘણા બધા વિષયો પર ચર્ચા કરી. ગત વર્ષે ડિસેમ્બરમાં વાત થઈ હતી. આ સમયે બંને વચ્ચે ટેલિફોન દ્વારા વાત થઈ હતી. તે સમયે દ્વિપક્ષીય સાથે અન્ય મુદ્દા પર વાતો થઈ હતી.

પીએમ મોદીએ આભાર પ્રગટ કર્યો

ત્યાર બાદ વાત કરતા પીએમ મોદીએ કહ્યું કે, આપનો અને યુક્રેનનો આભાર વ્યક્ત કરવા માગુ છું. આપ બંનેની મદદથી યુદ્ધ દરમિયાન અમે અમારા વિદ્યાર્થીઓને ખતરાની વચ્ચેથી બહાર કાઢી શક્યા. તેમણે કહ્યું કે, ભારત અને રશિયાના સંબંધો ઘણા આગળ વધી રહ્યા છે. આ અવસરે પીએમ મોદીએ પોતાની અને પુતિનની દોસ્તીનો પણ ઉલ્લેખ કર્યો. પીએમ મોદીએ કહ્યું કે, અમે એક એવા મિત્ર છીએ, જે પાછલા કેટલાય દાયકાઓથી એકબીજા સાથે છીએ. આખી દુનિયા એ વાત જાણે છે. 2001માં જ્યારે પહેલી વાર મળ્યો ત્યારે એક સ્ટેટ હેડ હતો. ત્યારથી સતત અમારા વચ્ચે દોસ્તી વધી રહી છે. આજે આપે ભારત માટે જે ભાવના પ્રગટ કરી છે, તેનાથી આપણા વચ્ચે સંબંધો વધારે મજબૂત થશે અને દુનિયાની આશા પણ પુરી થશે.

Narendra Modi vladimir putin India Russia sco in samarkand
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ