મોદી સરકાર એક મોટા પ્રોજેક્ટ પર હાલ કામ કરી રહી છે, જે સરકારનો આ પ્રયત્ન સફળ થશે તો પેટ્રોલ 10 રૂપિયા લીટર સુધી સસ્તું થઇ શકે છે. એટલું જ નહીં, તમારા પેટ્રોલ ખર્ચમાં પણ 10 ટકા જેટલો ઘટાડો થઇ શકે છે. આ પગલાથી સરકારના ખજાનામાં 5000 કરોડ રૂપિયાની બચત થશે. ભારતીય ઇકોનોમીને 5 ટ્રિલિયન ડોલરના લક્ષ્ય સુધી પહોંચાડવા માટે આ એક મોટું પગલું છે.
મોદી સરકાર કરી રહી છે મોટા પ્રોજક્ટ પર કામ
10 રૂપિયા સસ્તુ થશે પેટ્રોલ
પ્રદૂષણમાં આશરે 30 ટકાનો થશે ઘટાડો
સૂત્રો દ્વારા પ્રાપ્ત થયેલ અહેવાલ મુજબ સરકાર દ્વારા દેશભરમાં મિથેનોલ બ્લેન્ડેડ ફ્યૂલ(મિશ્રિત બળતણ) લાવવાની તૈયારીઓ કરવામાં આવી રહી છે. જેના માટે રોડ ટ્રાન્સપોર્ટ અને હાઇવે મંત્રી નિતિન ગડકરીએ પેટ્રોલિયમ મંત્રી ધર્મેન્દ્ર પ્રધાનને પત્ર લખી કહ્યું કે દેશભરમાં મિથેનોલ બ્લેન્ડેડ ફ્યૂલ ઉપલબ્ધ કરાવવામાં આવે.
પ્રદૂષણમાં આશરે 30 ટકાનો થશે ઘટાડો
કેન્દ્ર સરકારના આ નિર્ણયથી પ્રદૂષણમાં આશરે 30 ટકાનો ઘટાડો થવાની સંભાવના છે. મિથેનોલની કિંમત 20 રૂપિયા પ્રતિ લિટર છે. રિપોર્ટ પ્રમાણે ઇન્ડિયન ઓઇલ પહેલાથી જ મિથેનોલ બ્લેન્ડેડ ફ્યૂલ બનાવી રહી છે. જેમાં 15 ટકા મિથેનોલ અને 85 ટકા જેટલું પેટ્રોલ હોય છે.
2030 સુધીમાં 100 અરબ ડોલરની બચત થશે
ઇકોનોમિક ટાઇમ્સના અહેવાલ મુજબ નીતિ આયોગના સભ્ય વીકે સારસ્વતે જણાવ્યું કે, M15 પર 65,000 કિલોમીટરનો ટ્રાયલ રન પૂર્ણ કરી લીધો છે. નીતિ આયોગે કહ્યું કે ફ્યૂલમાં 15 ટકા મિથેન બ્લેન્ડ કરવા પર 2030 સુધી 100 અરબ ડોલરની બચત થશે.
ટૂંક સમયમાં મિથેનોલ મિશ્રિત પેટ્રોલ મળશે
ટ્રાયલ સ્વરૂપે પુણેમાં 15 ટકા મિથેનોલ ભળેલા પેટ્રોલ સંચાલિક કાર ચલાવવામાં આવી. અહેવાલ મુજબ પુણેમાં મારુતિ અને હ્યુન્ડાઇ ગાડીઓમાં મિથેનોલ ભળેલું પેટ્રોલ નાખીને ટ્રાયલ રન પૂર્ણ કરવામાં આવ્યું. સરકાર આ દિશામાં જેટલું ઝ઼ડપથી કામ કરી રહી છે તેનાથી લાગે છે કે ટૂંક સમયમાં દેશભરમાં પેટ્રોલ પંપ પર મિથેનોલ મિશ્રિત પેટ્રોલ પ્રાપ્ત થશે.