Coronavirus / ચીનને છોડીને જઇ રહેલી કંપનીઓને યૂરોપના એક દેશ જેટલી જમીન આપવાની તૈયારીમાં ભારત, બનાવી રહી છે આ પ્લાન

• ભારતે અત્યાર સુધીમાં 4,61, 589 હેક્ટર જમીન કંપનીઓની સ્થાપના માટે નક્કી કરી : સૂત્ર
• કોરોના સંકટને પગલે ઘણા દેશોની કંપનીઓ મેન્યુફેકચરિંગ માટે વૈકલ્પિક જગ્યાની શોધમાં છે

ભારત તરફથી આ કંપનીઓની સ્થાપના માટે લેન્ડ પુલ તૈયાર કરાઇ રહ્યો છે, જેની સાઇઝ યૂરોપના દેશ લગ્ઝમબર્ગથી બેગણી હોઇ શકે છે. આ આખા મામલા સાથે જોડાયેલા એક સૂત્રના હવાલાથી બ્લૂમબર્ગે પોતાની રિપોર્ટમાં કહ્યું છે કે ભારતે અત્યાર સુધીમાં 4,61, 589 હેક્ટર જમીન આ કંપનીઓની સ્થાપના માટે નક્કી કરી છે. 

તેમાંથી 1,15,131 હેક્ટર જમીન ગુજરાત, મહારાષ્ટ્ર, તમિલનાડુ અને આંધ્રપ્રદેશ જેવા રાજ્યોમાં નક્કી કરાઇ છે. વર્લ્ડ બેન્ક મુજબ લગ્ઝમબર્ગનું કુલ ક્ષેત્રફળ 2,43,000 હેક્ટર છે. સામાન્ય રીતે ભારત આવનારી કોઇપણ કંપની માટે ભૂમિ અધિગ્રહણ સૌથી મહત્વપૂર્ણ મુદ્દો રહ્યો છે. એવામાં સરકારે આ કંપનીઓની સ્થાપના થી પહેલા જ જમીનની પસંદગી અને તેના અધિગ્રહણની આખી પ્રક્રિયા પર કામ કરવાનો નિર્ણય લીધો છે. સાઉદી અરબની દિગ્ગજ તેલ કંપની અરામકો અને દક્ષિણ કોરિયાની પૉસ્કોને આ સમસ્યાનો સામનો કરવો પડ્યો હતો. 

રાજ્ય સરકારો સંગ પ્લાન બનાવવામાં લાગી છે મોદી સરકાર

સૂત્રો મુજબ, પીએમ મોદીના નેતૃત્વ વાળી કેન્દ્ર સરકારે રાજ્યો સાથે સમન્વય સ્થાપિત કરી ભૂમિને નક્કી કરીને કામ શરૂ કરી દીધું છે. વૈશ્વિક મહામારી કોરોના સંકટને પગલે જાપાન, અમેરિકા અને યૂરોપના ઘણા દેશોની કંપનીઓએ ચીનની જગ્યાએ મેન્યુફેકચરિંગ માટે વૈકલ્પિક જગ્યાની શોધમાં છે. આ સૌની વચ્ચે ભારત આ કંપનીઓને આકર્ષવાની કોશિશ કરી રહ્યું છે. અમેરિકી વિદેશ મંત્રાલયે પણ થોડા દિવસો પહેલા પોતાની એક મીટિંગમાં કહ્યું હતું કે ભારત એ ચીન કરતા એક વધુ સારો વિકલ્પ હોઇ શકે છે. 

મેન્યુફેક્ચરિંગ હબ બનાવવા પર ભારતની નજર 

સરકારનું માનવું છે કે જો નવી કંપનીઓને સરળતાથી જમીન ઉપલબ્ધ કરાવામાં આવે અને વીજળી, પાણી તથા પાકા રસ્તાઓ જેવી મુળભૂત સુવિધાઓની વ્યવસ્થા કરી દેવામાં આવે તો તેમને ભારત બોલાવવી સરળ બની રહેશે. કોરોના સંકટ પહેલાથી જ મંદીનો સામનો કરી રહેલા ભારતને આ કંપનીઓ દ્વારા મોટા પ્રમાણમાં વિદેશી રોકાણની આશા છે. ચીનથી પેદા થયેલા કોરોના સંકટને ભારત મેન્યુફેક્ચરિંગ ઇન્ડસ્ટ્રીના દેશમાં વિસ્તારને એક અવસર તરીકે જોઇ રહ્યું છે.