ભરતી / ડેપ્યૂટી સેક્રેટરી-ડાયરેક્ટર લેવલની 60 % પોસ્ટ બહારથી ભરશે મોદી સરકાર

સરકારનું આ પગલું એડમિનિસ્ટ્રેશનના કામોમાં વિશેષતા અને સારુ પ્રદર્શન કરવાના ઉદ્દેશ્યથી ઉઠાવી રહી છે. ધ ઇન્ડિયન એક્સપ્રેસના સૂત્રોના હવાલે બતાવવામાં આવ્યું છે કે ગત 3 જૂને ડિપાર્ડમેન્ટ ઓફ પર્સનલ એન્ડ ટ્રેનિંગના સચિવે એક બેઠક યોજી હતી. બેઠકમાં સચિવે એક પ્રસ્તાવ તૈયાર કરવાનો નિર્દેશ આપ્યો છે. જે હેઠળ પ્રાઇવેટ સેક્ટરના લગભગ 400 વિશેષજ્ઞોને સેન્ટ્રલ સ્ટાફિંગ સ્કીમ (CSS) હેઠળ ડેપ્યૂટી સેક્રેટરી અને ડાયરેક્ટર સુધીની પોસ્ટ પર ભરતી કરવા કહ્યું છે.

આપને જણાવીએ કે, સેન્ટ્રલ સ્ટાફિંગ સ્કીમ (CSS) હેઠળ ડેપ્યૂટી સેક્રેટરી અને ડાયરેક્ટર સ્તરના કુલ 650 પોસ્ટ છે. હવે એવામાં 400 પોસ્ટ પર પ્રાઇવેટ સેક્ટરના એક્સપર્ટ્સની ભરતી કરવાનો અર્થ એવો થયો કે આ મહત્વપૂર્ણ પોસ્ટમાં 60 ટકા કબજો ખાનગી ક્ષેત્રના વિશેષજ્ઞોનો થઇ જશે. અત્યાર  સુધી એવું હતું કે જોઇન્ટ સેક્રેટરી અને ડાયરેક્ટર જેવી પોસ્ટ વહીવટીય સેવાઓના માધ્યમથી જ ભરવામાં આવતી હતી.

જ્યારે ડેપ્યૂટી સેક્રેટરી અને ડાયરેક્ટરના 650 પોસ્ટ કેન્દ્રીય સચિવાલય સર્વિસમાં પ્રમોશન દ્વારા ભરવામાં આવશે. સરકાર આ પોસ્ટ પર ખાનગી ક્ષેત્રના વિશેષજ્ઞોની ભરતી ન કરી શકે. કેમકે આ માટે સરકારે કેન્દ્રીય સચિવાલય સર્વિસ નિયમ, 2009માં બદલાવ કરવાની જરૂર પડશે. ડિપાર્ટમેન્ટ ઓફ પર્સનલ એન્ડ ટ્રેનિંગના અધિકારી હાલ ખાનગી ક્ષેત્રના વિશેષજ્ઞોની ભરતી પ્રક્રિયા અને યોગ્યતા માપવાની પ્રક્રિયાના અંતિમ રૂપ આપવામાં વ્યસ્ત છે. 

સરકારની થિંક ટેન્ક નીતિ આયોગમાં 516 પોસ્ટમાંથી 54 પોસ્ટ પર ખાનગી ક્ષેત્રના એક્સપર્સની ભરતી કરવા પર વિચાર કરવામાં આવી રહ્યો છે. વર્તમાન સરકારના સમયમાં જોઇન્ટ સેક્રેટરી જેવા મહત્વપૂર્ણ પદ પર, જેને સામાન્ય પણે પ્રશાસનની મહત્વપૂર્ણ કડી માનવામાં આવે છે, ભારતીય એડમિનિસ્ટ્રેટીવના માધ્યમથી પસંદ કરવામાં આવતા હતા.