2029 સુધી PM રહેશે નરેન્દ્ર મોદી બ્લૂમબર્ગ મીડિયાએ કર્યો દાવો

નવી દિલ્હી: યૂપી પેટાચૂંટણીના પરિણામોમાં ભાજપ પછડાઇ ગયું હતું કારણ કે ભાજપને હરાવવા માટે એના બધા વિરોધી એક થઇ ગયા. ત્યારબાદ એવું માનવામાં આવી રહ્યું હતું કે આગામી લોકસભા ચૂંટણીમાં ભાજપના બધા વિરોધી એક સાથે થઇને ચૂંટણી લડશે જેનાથી નરેન્દ્ર મોદીને પીએમ બનાવતા રોકી શકાય. પરંતુ આ વચ્ચે ભાજપ માટે એક સુખદ સમાચાર આવ્યા છે. બ્લૂમબર્ગ મીડિયાના રિપોર્ટ અનુસાર નરેન્દ્ર મોદી માત્ર 2019 જ નહીં પરંતુ 2029 સુધી પ્રધાનમંત્રી બની રહેશે. 

બ્લૂમબર્ગ મીડિયાના સમૂહે દુનિયાના 16 દેશોના નેતાઓનું એક આકલન કર્યું છે ત્યારબાદ એને એમના રિપોર્ટમાં કહ્યું કે પીએમ મોદી ભારચ દેશમાં ખૂબ જ લોકપ્રિય છએ. એમના પ્રશંસકમાં એક 10 વર્ષનું બાળક પણ છે તો બીજી બાજુ 90 વર્ષના વૃદ્ધ પણ તેમને પસંદ કરે છે. 

આ જ એમની તાકાત છે. ભાજપને લોકો પસંદ કરે કે ના કરે પરંતુ મોદીને લોકો પસંદ કરે છે અને એમની વાતોનો ભરોસો કરે છે. જેના કારણે લોકો એમને દેશના કલ્યાણ માટે એક બીજી તક આપી શકે છે. 

જો એવું થયું તો 2019માં પણ એમના નેતૃત્વમાં એનડીએની સરકાર બનશે. આટલું જ નહીં રિપોર્ટમાં કહેવામાં આવ્યું છે કે મોદીની 2029 સુધી પીએમ બન્યા રહેવાની પ્રબળ સંભાવના છે. એમની સમક્ષ હાલમાં દેશમાં કોઇ દમદાર નેતા નથી જેનો ફાયદો નિશ્વિત રીતે નરેન્દ્ર મોદીને મળશે.