બોલિવૂડમાં ડ્રગ્સના તાર હવે પ્રખ્યાત હાસ્ય કલાકાર ભારતી સિંહ સુધી પહોંચ્યા છે. NCBએ ભારતી અને તેના પતિને સમન્સ પાઠવવામાં આવ્યું છે.
ભારતી સિંહના ઘરે NCBના દરોડા
ભારતી સિંહ અને પતિને પાઠવ્યું સમન્સ
સુશાંત સિંહ કેસના સમયથી ડ્રગ્સ એન્ગલ પર ચાલી રહી હતી તપાસ
બોલિવૂડ અભિનેતા સુશાંત સિંહ રાજપૂતની મોત બાદ બોલિવૂડમાં ડ્રગ્સ એન્ગલ સામે આવ્યો છે જે બાદ નાર્કોટિક્સ બ્યુરો દ્વારા સતત એક્શન લેવામાં આવી રહ્યો છે. બોલિવૂડના મોટા મોટા કલાકારો આ કેસમાં સામે આવી ચુક્યા છે અને કેટલાકના ઘરે દરોડા પણ પાડવામાં આવ્યા છે.
શનિવારે પ્રખ્યાત હાસ્યકલાકાર ભારતી સિંહના ઘરે NCBએ રેડ કરી અને અત્યાર સુધીની જાણકારી અનુસાર ઘણા બધા અહેવાલોમાં દાવા કરવામાં આવી રહ્યા છે કે ઘરમાંથી ડ્રગ્સ પણ મળી આવ્યું છે જોકે હજુ સુધી કોઈ આધિકારિક જાણકારી આપવામાં આવી નથી.
ભારતી સિંહ અને તેના પતિને NCBએ સમન્સ મોકલ્યું છે અને કાર્યવાહી હાથ ધરવામાં આવી રહી છે. જે સમયે ભારતીના ઘરે છાપો મારવામાં આવ્યો ત્યારે ભારતી અને તેનો પતિ ઘરમાં જ હતા.
ભારતી અને તેના પતિની પૂછપરછ કરવા માટે સમન્સ પાઠવવામાં આવ્યું છે અને હવે આગામી સમયમાં ક્યારે ભારતી સિંહ અને તેમના પતિ NCB સામે હાજર થાય છે.