યુપીના હાથરસ દુષ્કર્મનો મામલે પરિવારે વધુ એક વખત અસુરક્ષાની સ્થિતિ અંગે નિવેદન આપ્યું છે. આખા ગામને પોલીસ છાવણીમાં ફેરવી દેવામાં આવ્યું છે. ત્યારે હાથરસમાં પોલીસકર્મીઓની તાનાશાહી યથાવત છે.
અમને એન્કાઉન્ટરની ધમકીઓ મળી રહી છે: પીડિત પરિવાર
હાથરસમાં મીડિયાને 3 દિવસ બાદ ગામમાં જવાની પરવાનગી મળી
હાથરસમાં 2 હજારથી વધુ પોલીસકર્મીઓ તૈનાત
હાથરસમાં ઇન્ટરનેટ સ્પીડ પણ ધીમી કરી દેવાઇ
હાથરસની પીડિતાના પરિવારે કહ્યું છે કે અમને એન્કાઉન્ટરની ધમકીઓ મળી રહી છે. ઉલ્લેખનીય છે કે હાથરસ ગામ સીલ કરી દેવાયું છે. હાથરસમાં મીડિયાને જવા પર પ્રતિબંધ લાધ્યો હતો. જેને 3 દિવસ બાદ પરવાનગી મળી છે. હાથરસમાં પોલીસ કાફલો વધારી દેવાયો છે. અહીં 2 હજારથી વધુ પોલીસકર્મીઓ તૈનાત છે. એટલું જ નહીં હાથરસમાં ઇન્ટરનેટ સ્પીડ પણ ધીમી કરી દેવાઇ છે.
હાથરસ રેપકાંડ મામલામાં ઉચ્ચ અધિકારીઓના સસ્પેન્સન બાદ પણ પોલીસનો તાનાશાહી યથાવત છે. પરિવારનો દાવો છે કે પોલીસ તેમને એન્કાઉન્ટર કરી દેવાની ધમકી આપી રહી છે.
બીજી તરફ રાજકારણ પણ ગરમાયું છે આજે રામદાસ અઠાવલે યોગી આદિત્યનાથ અને આનંદીબેનને મળવા જશે. ત્યારે મમતા બેનર્જી TMC નેતાઓ સાથે થયેલી ધક્કામુક્કીના વિરોધમાં આજે વિરોધ પ્રદર્શન કરશે. આ મામલે TMCની બે મહિલા નેતાઓએ SDM વિરુદ્ધ ફરિયાદ કરી છે.
નોંધનીય છે કે આ કેસમાં પીડિતાના પરિવાર, પોલીસકર્મી અને આરોપીઓના નાર્કોટેસ્ટ થશે. જિલ્લા પોલીસવડા સહિત 5 પોલીસકર્મી સસ્પેન્ડ કરાયા. નવા SP વિનિત જયસ્વાલે અડધી રાત્રે ચાર્જ સંભાળ્યો છે. ત્યારે SDM વિરુદ્ધ હજુ સુધી કાર્યવાહી ન થતા વિરોધ થઈ રહ્યો છે.
આરોપીઓના સમર્થનમાં પીડિતાના ગામમાં મહાપંચાયત પણ બોલાવાઈ છે. પોલીસ ઉપર પીડિતાના પરિજનોના મોબાઈલ જપ્ત કરી લેવાનો આરોપ લગાવવામાં આવ્યો છે. ત્યારે પોલીસે કહ્યું SIT તપાસ ચાલુ છે. માનવાધિકાર આયોગ અને મહિલા આયોગે ઘટના અંગે રાજ્યના DG પાસે જવાબ માંગ્યો છે.