લૉકડાઉન વચ્ચે આંતકવાદીઓ નશો અને આતંકનું 'કોકટેલ' કરી રહ્યા છે. હવે જમ્મૂ કાશ્મીરમાં આતંકવાદીઓના 'નાર્કો ટેરર મોડ્યુલ' નો ખુલાસો થયો છે. બડગામ પોલીસે 6 લોકોની ધરપકડ કરી છે જે પ્રતિબંધિત આતંકી સંગઠન જૈશ-એ-મોહમ્મદના' નાર્કો ટેરર મોડ્યુલ'ના સક્રિય સભ્ય માનવામાં આવી રહ્યા છે.
જમ્મૂ કાશ્મીરમાં આતંકવાદીઓના 'નાર્કો ટેરર મોડ્યુલ' નો ખુલાસો થયો
બડગામ પોલીસે 6 લોકોની ધરપકડ કરી, પ્રતિબંધિત નારકોટિક્સ, હથિયાર અને અન્ય સામાન જપ્ત કરાયો
જૈશ-એ-મોહમ્મદનું આ મોડ્યુલ કંઇક અલગ રીતે જ કામ કરે છે. તેમની પાસેથી પોલીસે પ્રતિબંધિત નારકોટિક્સ, હથિયાર અને અન્ય સામાન જપ્ત કર્યો છે. આ મામલે કેસ નોંધવામાં આવ્યો છે.
પોલીસે જાણકારી આપી છે કે આ મોડ્યુલના સભ્ય ડ્રગ્સની હેરફેર, હથિયારોની સપ્લાઇ અને પૈસાની વ્યવસ્થા કરવાનું કામ કરતા હતા. શરૂઆતની તપાસમાં જાણવા મળ્યું છે કે તમામ પાકિસ્તાન સમર્થિત આંતકી સંગઠનના સંપર્કમાં હતા અને પોતાના વડાના હુકમ પર આ સંગઠનોને જીવિત રાખવા માટે પૈસાની વ્યવસ્થા કરતા હતા. આ સફળતા મળ્યા બાદ ડ્રગ્સ તસ્કર અને આતંકીઓના કનેક્શનનો પણ ખુલાસો થયો છે.
જે લોકોની પોલીસે ધરપકડ કરી છે તેમની ઓળખ કરાલપોરાના રહેવાસી મુદ્દસિર ફયાજ, બડગામના રહેવાસી શબીર, સંગીર અહમદ, ઇશાક ભટ્ટ અને આર્શિદ ઠોકરના રૂપે થઇ છે. આ તમામ પાસેથી મેડ ઇન ચાઇના પિસ્ટલ, મેગ્જીન, હેન્ડ ગ્રેનેડ અને 1 કિલો હેરોઇન મળ્યું છે. આ મામલામાં પોલીસે UA(P) Act અને NDPS Actના હેઠળ ચદૂરા પોલીસ સ્ટેશનમાં કેસ નોંધ્યો છે. પોલીસનું કહેવું છે કે આ મામલામાં તપાસ ચાલી રહી છે.
આ મોડ્યુલ વિશે કહેવાય છે કે તેના સભ્ય પોતાના વડાના હુકમ પર નશા કરવાનો સામાનનો જથ્થો સપ્લાઇ કરે છે. પરંતુ માત્ર આતંકીઓ અને અન્ય લોકો સુધી નશાની સામગ્રી પહોંચાડવું જ મોડ્યુલના સભ્યોનું કામ નથી, પરંતુ તેઓ હથિયાર અને આતંકીઓને અન્ય જરૂરી સામગ્રી પણ ઉપલબ્ધ કરાવે છે.
સૌથી ચિંતાજનક વાત એ છે કે આ મોડ્યુલના સભ્ય પોતાના કામમાં ડ્રોનનો ઉપયોગ કરે છે. આ અન્ય સ્મગલર્સને ટ્રેનિંગ પણ આપે છે.
આ પહેલા શનિવારે પંજાબના અમૃતસર જેલમાં બંધ 'નાર્કો ટેરર મોડ્યુલ' ના એક સભ્ય પાસેથી પોલીસે 3 મોબાઇલ જપ્ત કર્યા હતા. પૂર્વ આર્મીના જવાન રાહુલ ચૌહાણ અમ્બાલાનો રહેવાસી હતો, તેની આ વર્ષે જાન્યુઆરીમાં અમૃતસર પોલીસે ધરપકડ કરી હતી. રાહુલ ચૌહાણ 'નાર્કો ટેરર મોડ્યુલ' નો મહત્વપૂર્ણ સભ્ય માનવામાં આવે છે.