BIG NEWS / નારણપુરામાં સ્પોર્ટ્સ કોમ્પ્લેક્ષનું અમિત શાહે કર્યું ખાતમુહૂર્ત, કહ્યું- 30 મહિનામાં PM મોદીને ઉદ્ધાટન માટે બોલાવીશું

• અમદાવાદમાં અમિત શાહના હસ્તે સ્પોર્ટ્સ કોમ્પ્લેક્ષનું ખાતમૂહુર્ત
• અનેક સુવિધાઓથી સજ્જ છે કોમ્પ્લેક્ષ
• 632 કરોડના ખર્ચે તૈયાર થશે કોમ્પ્લેક્ષ

કેન્દ્રના ગૃહ અને સહકાર મંત્રી અમિત શાહના ગુજરાત પ્રવાસનો 2 જો દિવસ છે. નારણપુરા વિસ્તારમાં ઇન્ટરનેશનલ સ્પોર્ટ્સ કોમ્પ્લેક્સનું ભૂમિપૂજન કર્યું હતું.આ સ્પોર્ટ્સ કોમ્પ્લેક્ષ 632 કરોડના ખર્ચે તૈયાર થશે. તેના ખાતમૂહુર્તના કાર્યક્રમમાં કેન્દ્રીય મંત્રી અનુરાગ ઠાકુર, સીએમ ભૂપેન્દ્ર પટેલ, ગૃહરાજ્ય અને રમત મંત્રી હર્ષ સંઘવીએ પણ હાજરી આપી હતી.

બરોબર 30 મહિનામાં પીએમ મોદીને અહીં ઉદ્ધાટન માટે બોલાવીશુંઃ અમિત શાહ
અમદાવાદના નારણપુરામાં સ્પોર્ટ્સ કોમ્પ્લેક્ષનું અમિત શાહના હસ્તે ખાતમુહૂર્ત કરાયું છે. ત્યારે આ પ્રસંગે અમિત શાહે કહ્યું કે હું જાતે નજર રાખીને આ સ્પોર્ટ્સ કોમ્પ્લેક્સનું કામ સમયસર કરાવીશ, બરોબર 30 મહિનામાં પીએમ મોદીને અહીં ઉદ્ધાટન માટે બોલાવીશું. PMએ મારી માંગ પર તાત્કાલિક 500 કરોડ આપ્યા. ભારત સરકારની 5 બેઠકો યોજીને સ્પોર્ટ્સ કોમ્પ્લેક્ષની ડીઝાઇન તૈયાર કરાઈ છે. લશ્કરમાં ભરતી અને રમતગમતમાં ગુજરાત પાછળ રહેતું હતું. નારણપુરમાં આંતરરાષ્ટ્રીય કક્ષાનું સ્પોર્ટ્સ કોમ્પ્લેક્ષ બનવા જઇ રહ્યું છે. શહેરમાં અનેક શાળાઓ એવી છે જ્યાં મેદાન નથી. ઓલમ્પિકમાં ખેલાડીઓ મેડલ મેળવી રહ્યા છે. મારી કારકિર્દીની શરૂઆત નારણપુરાથી થઇ છે.

ગાંધીનગર લોકસભા ક્ષેત્રના નારણપુરા ખાતે ₹632 કરોડના ખર્ચે નિર્માણ પામનાર ઓલંમ્પિક સ્તરના નવા સ્પોર્ટ્સ કોમ્પ્લેક્સનો શિલાન્યાસ... https://t.co/CQYCVArsdS

— Amit Shah (@AmitShah) May 29, 2022

અનુરાગ ઠાકુર સાથે ખાસ વાત
અનુરાગ ઠાકુરે આ કાર્યક્રમ દરમિયાન  VTV ન્યૂઝ સાથે ખાસ વાતચીત કરી હતી.  અને કહ્યું હતું કે યુવાનોને રમત-ગમતમાં પ્રોત્સાહન મળી રહ્યું છે. ખેલો ઇન્ડિયા, ફીટ ઇન્ડિયા મુવમેન્ટથી લોકોમાં જાગૃતિ આવી હોવાની વાત કરતાં તેઓ કહ્યું હતું કે આજે પણ ગુજરાત નવી પહેલ તરફ રમતગમત ક્ષેત્રે આગળ વધી રહ્યું છે. 2022માં પ્રધાનમંત્રીના હોમ ટાઉનમાં ફરી વિજય નિશ્ચિત છે. મોદી આઠ વર્ષની ઉપલબ્ધી જ દેશમાં સુસાશન તરફ પ્રેરે છે

સ્પોર્ટ્સ કોમ્પ્લેક્ષમાં કેવી છે સુવિધા

• એક્વાટિક કોમ્પ્લેક્ષ
• જેમાં સ્વિમિંગ પુલની સાઇઝ FINA એપ્રુવ્ડ રાખવામાં આવેલી છે. જેની પ્રેક્ષક ગેલરી 1500ની ક્ષમતાની છે

કોમ્યુનીટી સ્પોર્ટસ સેન્ટર
06 બેડમિન્ટન કોર્ટ ,
06 ટેબલટેનિસ 
06 કેરમ ટેબલ 
09 ચેસ 
સ્નૂકર અને બિલિયર્ડના 10 ટેબલ છે

સેન્ટર ફોર સ્પોર્ટસ એકસેલન્સ

• આ સેન્ટર ફોર સ્પોર્ટ્સ  એકસેલન્સમાં 42 મી . × 24 મી . ના મુખ્ય 2 હોલ કે જેમાં 02 બાસ્કેટ બોલ કોર્ટ, વોલીબોલ કોર્ટ અથવા  બેડમીન્ટન કોર્ટ તરીકે એક જ સમયે વપરાશ થઇ શકશે .
• આ હોલ એવી રીતે ડીઝાઇન કરેલ છે કે ઉપરોકત જણાવેલ રમતોની આંતરરાષ્ટ્રીય કક્ષાની સ્પર્ધા યોજી શકાશે . 
• આ સેન્ટરના મલ્ટી સ્પોર્ટસ હોલમાં ૦૪ કબડડી કોર્ટ અથવા ૦૪ રેસલીંગ અથવા ૧૨ ટેબલટેનીસ મેચ એક જ સમયે યોજી શકાશે . આ કોમ્પલેક્ષમાં ખેલાડીઓ માટે લોન્જ સાથેનું 01  સ્પોર્ટસ સાયન્સ અને ફીટનેસ સેન્ટર , ચેન્જ રૂમ , લોકર્સ , ઇક્વીપમેન્ટ સ્ટોર , મેડીકલ સર્વિસ સ્ટેશન , ઓડીયો - વિડીયો ફેસીલીટી સાથેનો ટ્રેનિંગ રૂમ , વહીવટી ઓફીસ બનાવવામાં આવનાર છે . વધુમાં આ સેન્ટરમાં કોચ માટે 08 ડબલરૂમ , ખેલાડીઓ માટેના 89 ટ્રીપલ બેડ રૂમ તેમજ 150 કોર્પોરેટ માટેના ડાઇનીંગ હોલનો સમાવેશ કરેલ છે .

ઈન્ડોર મલ્ટી સ્પોટર્સ અરેના 

• 80 મીટર × 40 મીટર સાઈઝના વિશાળ હોલમાં વિવિધ આંતરરાષ્ટ્રીય કક્ષાની ઈવેન્ટ કરવામાં આવશે . 
•  કુલ 16 બેડમીન્ટન કોર્ટ , 04 બાસ્કેટબોલ કોર્ટ , 04 વોલીબોલ કોર્ટ અને 04 જીમ્નેસ્ટીક મેટ હશે.
•  આ ઉપરાંત તેમાં ટેકવાન્ડો કુસ્તી અને ટેબલ ટેનિસ માટે ટ્રેનિંગના હેતુ માટે મલ્ટી પર્પઝ હોલની પણ સુવિધા હશે.
• જેમાં એક સાથે 5200 પ્રેક્ષકો મેચ નિહાળી શકે તે મુજબનું આયોજન કરવામાં આવેલું છે.
• આ ઉપરાંત વોર્મ - અપ એરીયા , ખેલાડીઓ , જજીસ , કોચ , રેફરી અને વી.આઈ.પી. માટે લોન્જ એરીયા , સેન્ટ્રલ એડમીન ઓફીસ , સ્પોટર્સ ફેડ્રેશન માટેનો રૂમ , ડોપીંગ એરીયા , મેડીકલ સર્વિસ સ્ટેશન , મીડીયા રૂમ ,કોલ રૂમ , તદ્દઉપરાંત મીડીયા અને અન્ય ટેકનીકલ , ઓપરેશન સુવિધા માટેના રૂમની વ્યવસ્થા કરવામાં આવેલ છે .

ફીટ ઈન્ડિયા ઝોન

• સિનિયર સીટીઝન માટે સીટિંગ એરિયા પણ હશે. આ ઉપરાંત સ્કેટીંગ રીંગ , કબડ્ડી , ખો - ખો ગ્રાઉન્ડ , ચીલ્ડ્રન ઝોન અને જોગીંગ ટ્રેકનો સમાવેશ કરવામાં આવેલ 

આઉટ ડોર સ્પોર્ટસ  

• 6 ટેનિસ કોર્ટ , 1 બાસ્કેટબોલ , 1 વોલીબોલ કોર્ટનો સમાવેશ થાય છે. 
• આ સ્પોર્ટસ કોમ્પેલક્ષમા 800 ટુ વ્હિલર અને 850 ફોર વ્હિલરના પાર્કિંગની હશે વ્યવસ્થા.