હવસની હદ વટાવી / સુરતમાં બે વર્ષની બાળકીને નરાધમે પીંખી-રોડ પર ફેંકી દીધી, મહિલા પોલીસની કાર્યવાહીના કારણે તાત્કાલિક ધરપકડ 

• સુરતના વેસુ વિસ્તારની ઘટના, 2 વર્ષની બાળકી પર દુષ્કર્મ
• અપહરણ બાદ નરાધમે આચર્યું દુષ્કર્મ, પોલીસે નરાધમની કરી ધરપકડ
• નરાધમે પહોંચાડી બાળકીને ગંભીર ઇજા

સુરતમાં વેસુ વિસ્તારમાં બે વર્ષની બાળકી સાથે દુષ્કર્મની ઘટના સામે આવતા ચકચાર મચી ગઈ છે. વિગતો મુજબ સિટી લાઈટ અણુવ્રત દ્વાર નજીક અપહરણ બાદ  દુષ્કર્મ આચર્યું હોવાનું સામે આવ્યું છે. જે બાદમાં અપહરણ કરાયેલી માસૂમ બાળકી કેનાલ રોડ પરથી મળી આવતા ચકચાર મચી ગઈ છે. આ તરફ નરાધમે બાળકીને ગુપ્ત ભાગે ગંભીર ઇજા પહોંચાડી હોવાનું પણ ખૂલ્યું છે. જોકે મહિલા કોન્સ્ટેબલની પ્રશંસનીય કામગીરીને કારણે નરાધમ પકડાઇ ગયો છે. 

સુરતમાં ફરી એકવાર દુષ્કર્મની ઘટના સામે આવતા ખળભળાટ મચી ગયો છે. સુરતના સિટી લાઈટ અણુવ્રત દ્વાર નજીક બે વર્ષની બાળકીનું એક ઇસમે અપહરણ કર્યું હતું. જે બાદમાં દુષ્કર્મ આચરી અપહરણ કરાયેલી માસૂમ બાળકી કેનાલ રોડ પર છોડી દીધી હતી.  કેનાલ રોડ પર મળેલી બાળકીને ગુપ્ત ભાગે ગંભીર ઇજા હોવાનું પણ પ્રાથમિક તપાસમાં સામે આવ્યું છે. 

મહિલા કોન્સ્ટેબલની પ્રશંસનીય કામગીરી

સુરતમાં બે વર્ષની માસૂમ બાળકી કેનાલ રોડ પરથી મળી આવ્યા બાદ પોલીસ પણ એક્શનમાં આવી હતી. જે બાદમાં પોલીસ કંટ્રોલમાં માહિતી મળતા જ આખો વિસ્તાર કોર્ડન કરી લેવાયો હતી. આ તરફ મહિલા કોન્સ્ટેબલની પ્રશંસનીય કામગીરીને કારણે નરાધમ ઈસમ પકડાઇ ગયો છે. જે બાદમાં પોલીસે આરોપીને ઝડપી પોલીસે આગળની કાર્યવાહી હાથ ધરી છે. 

2 વર્ષની બાળકીને ગંભીર ઇજાઓ

સુરતના સિટી લાઈટ અણુવ્રત દ્વાર નજીક બે વર્ષની બાળકીનું એક ઇસમે અપહરણ કર્યા બાદ  દુષ્કર્મ આચરી માસૂમ બાળકી કેનાલ રોડ પર છોડી દીધી હતી. જોકે બાળકી મળતા તેને ગુપ્ત ભાગે ગંભીર ઇજા હોવાનું સામે આવતા તાત્કાલિક નજીકની હોસ્પિટલમાં સારવાર અર્થે ખસેડવામાં આવી હતી.