દુષ્કર્મીને સજા / બોટાદમાં 6 વર્ષની બાળકીને પતંગની લાલચે દુષ્કર્મ આચરનાર નરાધમને કોર્ટે ફટકારી 20 વર્ષની સજા

• બોટાદમાં બાળકી સાથે કુકર્મ બદલ 20 વર્ષની કેદ 
• આરોપી બાળકીને ભોળવીને લઇ ગયો મેદાનમાં 
• સુરત-ગાંધીનગર બાદ બોટાદના કેસમાં ઝડપી ન્યાય 

બોટાદમાં બાળકી સાથે દુષ્કર્મ આચરનાર આરોપીને 20 વર્ષની સજા સંભળાવવામાં આવી છે. બોટાદમાં માત્ર 6 વર્ષીય બાળકી સાથે કુકર્મ આચરનાર આરોપીને  સેશન્સ કોર્ટે સજા ફટકારી હતી. આરોપી, કુલદિપસિહ ઉર્ફે અરુણ પરમાર નામના શખ્સે બાળકીને પતંગના બહાને ખુલ્લા પ્લોટના કંપાઉન્ડમા લઈ જઈને  દુષ્કર્મ આચર્યુ હતું.

સુરતની ઘટના ;આરોપીને આજીવન કેદ 

ગુજરાતમાં છેલ્લા ત્રણ મહિનામાં ઘટેલી દુષ્કર્મની ઘટનાઓમાં પોલીસ અને ન્યાય તંત્રે દાખલારૂપ ચુકાદા સંભળાવ્યા છે. સુરતમાં અને ગાંધીનગર પાસેના દુષ્કર્મ કેસમાં ગણતરીના દિવસોમાં જ ચાર્જશીટ અને તુરંત ન્યાયની નીતિ સરાહનીય રહી છે ત્યારે,બોટાદના કેસમાં પણ ન્યાય તંત્રે ઝડપી ચુકાદો આપી દીધો છે. 

સુરતના હજીરા વિસ્તારમાં 30 એપ્રીલ 2021ની 5 વર્ષની બાળકીના રેપ અને હત્યાની ચકચારી ઘટનામાં સુરત કોર્ટના એડિશનલ સેસન્સ જજ અને સ્પેશિયલ જજ પી એસ કલાએ મૂળ મધ્યપ્રદેશના અને સુરતમાં મજૂરી કામ કરીને ગુજરાન આરોપી સુજીત સાકેત દોષિત જાહેર થતાં કોર્ટે ને આજીવન કેદની સજા ફટકારી છે 

દોષિતે 5 વર્ષની બાળકી સાથે દુષ્કર્મ કરીને નિપજાવી હતી હત્યા 

સુરતના હજીરા વિસ્તારમાં 30 એપ્રીલ 2021ના રોજ બનેલી આ ચકચારી ઘટનામાં આરોપી સુજીત સાકેતે પહેલા 5 વર્ષની બાળકી સાથે દુષ્કર્મ આચર્યું હતું એટલું જ નહીં પરંતુ દોષિતે પીડિતા સાથે સૃષ્ટિ વિરૃદ્ધનું કૃત્ય પણ આચર્યું હતું. ત્યાર બાદ પુરાવાનો નાશ કરવાના ઈરાદાથી નરાધમે ઈંટ મારીને પીડિતાનું માથુ ફોડી નાખ્યું હતું, પીડિતા મરી જ જાય તેની ખાતરી કરવા દોષિતે સુજાતે પીડિતાનું ગળુ પણ દબાવ્યું હતું. સમગ્ર રાજ્યમાં આ ઘટનાના ઘેરા પ્રત્યાઘાત પડ્યાં હતા તથા આરોપીને ફાંસીની સજા પણ માગ ઉઠી હતી.

 સૃષ્ટિ વિરુદ્ધનું કૃત્ય કરનારને 20 વર્ષની સજા ફટકારી

બીજી તરફ આજે જ આણંદ કોર્ટ દ્વારા પણ મહત્વપૂર્ણ ચુકાદો આપવામાં આવ્યો છે, 6 વર્ષના માસૂમ બાળક સાથે સૃષ્ટિ વિરુદ્ધનું કૃત્ય કરનાર આરોપીને કોર્ટે 20 વર્ષની સજા ફટકારી છે અને બોગ બનનાર બાળકને 5 લાખનું વળતર આપવા પણ હુકમ આપવામાં આવ્યો છે. બે વર્ષની કાનૂની લડાઈ બાદ આ કેસમાં ચુકાદો આવ્યો.

ગાંધીનગરની ઘટના 

ગાંધીનગરના સાંતેજમાં બાળકી સાથે દુષ્કર્મ મામલે આજે ચુકાદો આવી આવી ગયો છે. સિરિયલ રેપીસ્ટ કિલર વિજય ઠાકોરને આજે કોર્ટ દ્વારા આજીવન કેદની  સજા ફટકારવામાં આવી શકે છે. આરોપીએ 3 બાળકી સાથે દુષ્કર્મ આચર્યુ હતું જેમા એકની તો તેણે હત્યા પણ કરી હતી. સમગ્ર મામલે ગાંધીનગર પોલીસ દ્વારા ચાર્જશીટ રજૂ કરવામાં આવી હતી અને 8 નવેમ્બરે આરોપીની ધરપકડ કરવામાં આવી હતી. આરોપી વિરુદ્ધ મહિલા પર હુમલાની ઘટના અને લૂંટની ફરિયાદ પણ નોંધાઈ ચુકી છે. 

સમગ્ર મામલે સરકારી વકીલ દ્વારા કોર્ટમાં એવી દલીલ કરવામાં આવી કે આરોપીની પોતાની 7 વર્ષની દિકરી છે તેમ છતા તે આવું કૃત્યું કર્યું છે. સાથેજ આ મામલે સરકારી વકીલ દ્વારા એવું પણ કહેવામાં આવ્યું કે આ ગંભીર ગુનામાં આરોપીને કડકમાં કડક સજા મળવી જોઈએ 

70 સીસીટીવી ફુટેજ ચેક કર્યા હતા 

જણાવી દઈએ કે, સમગ્ર કેસ મામલે ગાંધીનગર પોલીસે આ મામલે 60 જેટલા સાક્ષીઓની જુબાની લીધી હતી. આ સાથે જ   70 જેટલા CCTV ફૂટેજ પણ તપાસ્યા હતા. તો સુનાવણી બાબતે આજે 16 સાક્ષીઓને સમન્સ પણ પાઠવવામાં આવેલ. તમામ પુરાવાઓના આધારે ફાસ્ટટ્રેક કોર્ટમાં આ મામલાની સુનાવણી શરૂ કરવામાં આવી હતી.

દુષ્કર્મની મોટી ઘટનાઓ અને ચુકાદા 

1. મોરબી જીલ્લામાં 5 વર્ષ અગાઉ નરાધમે દુષ્કર્મ આચરતા સગીરાએ ઝેરી દવા પીને કર્યો હતો આપઘાત, આરોપીને આજીવન કેદના સજા
2. આણંદ કોર્ટે બે વર્ષ અગાઉ તારાપુરના ખડા ગામે 6 વર્ષના બાળક સાથે સૃષ્ટિ વિરુદ્ધનું કૃત્ય કરનારને 20 વર્ષની સજા ફટકારી
3. વલસાડ જિલ્લાના વાપીમાં સગીરા પર વર્ષ 2017માં પિતાના મિત્રને ક્રૂરતા પૂર્વક દુષ્કર્મ ગુજારવા બદલ વલસાડ કોર્ટે આજીવન કેદની સજા ફટકારી
4. તાપી જિલ્લાની સ્પેશિયલ પોસ્કો કોર્ટે 2 શખ્સોને 20 વર્ષની સજા ફટકારી
5. સુરતના પાંડેસરામાં વર્ષ 2020માં 10 વર્ષની બાળકીના રેપ કેસમાં આરોપી દિનેશ બૈસાનેને થઈ ફાંસીની સજા
6. સુરતના પાંડેસરા-વડોદ વિસ્તારના શ્રમજીવી પરિવારની 2.5 વર્ષની બાળકી પર દુષ્કર્મ બાદ હત્યા કેસમાં આરોપી ગુડ્ડુ મધેશ યાદવને ફાંસીની સજા
7. સુરતના લીંબાયતના દુષ્કર્મના આરોપી અનિલ યાદને ફાંસીની સજા ફટકારવામાં આવી