દુઃખદ / અનેક ગ્રેમી ઍવોર્ડ્સ જીતનારી પ્રખ્યાત અમેરિકન સિંગરનું માનસિક બીમારી બાદ 76 વર્ષની ઉંમરે નિધન

• નાઓમી જુડનું નિધન 
• ઘણા ગ્રેમી એવોર્ડની વિજેતા 
• 76 વર્ષની હતી ઉંમર 

નાઓમી જુડનું નિધન 

એન્ટરટેનમેન્ટ ઈંડસ્ટ્રીથી ફરી એક ખરાબ સમાચાર સામે આવ્યા છે. જાણીતી સિંગર નાઓમી જુડનું શનિવારે નિધન થઇ ગયું છે. તે 76 વર્ષના હતા. તેમણે ઘણા ગ્રેમી એવોર્ડ્સ જીત્યા હતા. જણાવી દઈએ કે તેમણે પોતાની દીકરી વિનોના જુડ સાથે ડાયનેમિક પ્યાર ધ જુડ્સની સ્થાપના કરી હતી. તેમની ગણના મ્યુઝિક ઈંડસ્ટ્રીમા સૌથી શ્રેષ્ઠ કલાકારોમાં થતી હતી. રિપોર્ટ્સ અનુસાર, રવિવારે તેમણે કન્ટ્રી મ્યુઝિક હોલ ઓફ ફેમમાં પોતાની દીકરી સાથે સામેલ થવાનું હતું, પરંતુ તે આ પહેલા જ દુનિયાને અલવિદા કહી ગયા. તેમની દીકરી એશલે જુડએ ટ્વીટ કરીને પોતાની માનાં નિધનની જાણકારી આપી છે. તેમણે લખ્યું છે કે આજ અમારા બહેનો માટે ખૂબ જ દુખદ અને ટ્રેજડીથી ભરેલ દિવસ છે. આજે અમે અમારી સુંદર મા, જે મગજની બીમારી સામે લડી રહી હતી, તેમને ખોઈ બેસ્યા છીએ. તેમણે આગળ લખ્યું છે કે અમે ખૂબ જ દુખી છીએ અને જાણીએ છીએ કે જેમ અમે તેમને પ્રેમ કરતા હતા તેમ જ તેઓ પોતાના ફેન્સને પ્રેમ કરતા હતા. 

Today we sisters experienced a tragedy. We lost our beautiful mother to the disease of mental illness. We are shattered. We are navigating profound grief and know that as we loved her, she was loved by her public. We are in unknown territory.

— ashley judd (@AshleyJudd) April 30, 2022

80નાં દશકમાં નાઓમી જુડે દીકરી સાથે કરી હતી શરૂઆત 
જણાવી દઈએ કે નાઓમી જુડએ પોતાની દીકરી સાથે 1980માં શરૂઆત કરી હતી. બંનેએ એકસાથે ગાયન શરુ કર્યું હતું અને જોતજોતામાં બંનેની જોડી દર્શકોના દિલ પર છવાઈ ગઈ. તેમણે મામા ક્રેઝી અને લવ કેન બીલ્ડ એ બ્રીજ જેવા હીટ સોન્ગ્સ ગાયા હતા, જે 20 મિલિયન કરતા પણ વધારે વહેંચાયા હતા. જણાવી દઈએ કે તેમનું પહેલું સિંગલ સોંગ હેડ એ ડ્રીમ 1983માં રિલીઝ થયું હતું અને બીલબોર્ડ  કન્ટ્રી ચાર્ટમાં 17માં નંબર પર પહોંચી ગયું હતું. રિપોર્ટ્સ અનુસાર, તેમનું આગળનું ગીત મામા હીઝ ક્રેઝી દેશનાં રેડિયો નંબર વનનાં સ્થાન પર હતું. જુડ્સને પહેલા ગ્રેમી એવોર્ડ 1984માં મળ્યો હતો. કન્ટ્રી મ્યુઝિક હો, ઓફ ફેમની જાણકારીનાં હિસાબે જુડ્સએ 7 વર્ષમાં પાંચ ગ્રેમી એવોર્ડ્સ જીત્યા હતા. 

17 વર્ષની ઉંમરમાં આપ્યો હતો દીકરીને જન્મ 
નાઓમી જુડનાં સોન્ગ્સમાં એક અલગ પ્રકારના ઈમોશન્સ સાંભળવા મળતા હતા. તેમના ગીતોમાં માતા-પિતા, રોમાન્સ, સિંગલ વુમન, નાના શહેરોની ભાવનાઓ સાંભળવા મલ્ટી હતી. તેમના ગીતોમાં વધારે તેમની રિયલ લાઈફ સાથે જોડાયેલ ભાવનાઓ સાંભળવા મલ્ટી હતી. જણાવી દઈએ કે જુડે 17 વર્ષની ઉંમરમાં પોતાની દીકરી ક્રિસ્ટીના સિમીનેલાને જન્મ આપ્યો હતો. ક્રિસ્ટીનાએ પોતાના નામ સાથે પોતાના પિતાનું નામ જોડ્યું હતું. 1972માં નાઓમી અને તેમના પતિ અલગ થઇ ગયાઅને તેમની દીકરીએ પોતાનું નામ બદલીને વિનોના જુડ રાખ્યું હતું. નાઓમીએ વિનોનાની કસ્ટડી પોતાની પાસે રાખી અને અત્યારે 57 વર્ષની તે છે. બંને એકબીજા સાથે મ્યુઝિક પરફોર્મ કરતા હતા અને એકબીજાને સંગીત પણ શીખવતા. જાણાવી દઈએ કે નાઓમીનાં નિધનમાં સેલેબ્સે શોક વ્યક્ત કર્યો છે.