નાના રણધીરે શૅર કરી તસવીર
તૈમૂરની ક્યુટનેસ પર લોકો ફીદા છે પરંતુ નાના દીકરાની તસવીર હજુ પણ કપલે બહાર પાડી નથી. ફેન્સ તે જોવા થનગની રહ્યાં છે કે બેબોનો બીજો દિકરો કેવો દેખાય છે પરંતુ કપલે હજુ સુધી નાના દિકરાની ઝલક શૅર કરી નથી. દિગ્ગજ કલાકાર રણધીર કપૂરે તેની દિકરી કરીનાના બીજા દિકરાની તસવીર ભૂલથી શૅર કરી દીધી છે એવુ લાગે છે.
તરત ડિલીટ કરી તસવીર
રણધીર કપૂરે પોતાના નાના પૌત્રની તસવીર શૅર કરી દીધી હતી પરંતુ તરત જ તેણે ડિલીટ પણ કરી દીધી હતી. લોકોએ તેનો સ્ક્રિનશોટ લઇ લીધો હતો અને તે વાયરલ થઇ રહ્યો છે.
કરીના કામ પર પરત ફરી
કરીના કપૂર ખાન ફરી એક વાર પોતાના કામ પર પરત ફરી છે. તેણે ડિલીવરીના એક મહીના પૂરા થયા બાદ તરત જ તે કામ પર પરત ફરી હતી અને શૂટિંગના સેટ પર નજર આવી હતી.
તૈમુર પેપરાઝી પર ભડક્યો
બાળકો નાદાન હોય છે. તેમને ક્યારે શું કહેવું અને કેવો વ્યવહાર કરવો તેની સમજ હોતી નથી. તેમના મનમાં જે આવે તેઓ એવું જ કરે છે. ત્યારે હાલમાં મોટા ભાઈ બનેલા તૈમૂર અલી ખાને પણ કંઈક એવું જ કર્યું. જે બાદ મમ્મી કરીના કપૂર ખાન તેના પર ગુસ્સે થઈ ગઈ હતી. તૈમૂરની ફોટો અને વીડિયો સોશિયલ મીડિયા પર ઝડપથી વાયરલ થઈ જાય છે. હાલમાં જ તેનો એક વીડિયો સામે આવ્યો જેમાં કરીના તૈમૂર પર ગુસ્સો કરતી જોવા મળી રહી છે અને આ વીડિયો સોશિયલ મીડિયા પર ખૂબ વાયરલ થઇ રહ્યો છે.
બીજી વખત માતા બન્યા બાદ કરીના કપૂર ખાન, કરિશ્મા કપૂરની દીકરી સમાયરા કપૂરનો 16મો જન્મ દિવસ ઉજવવા તેના ઘરે પહોંચી હતી. આ દરમિયાન તૈમૂર અને તેની માતા બબીતા પણ તેની સાથે હતા. ગાડીમાંથી ઉતર્યા બાદ કરીના ત્યાં ઉભેલા પાપારાઝીને પોઝ પણ આપે છે પરંત. ત્યારે જ ગાડીમાંથી તૈમૂર બહાર આવે છે અને પાપારાઝી પર ગુસ્સે થઈને બૂમો પાડે છે અને તરત ભાગી જવાની કોશિશ કરે છે.