જીત / મહારાષ્ટ્રમાં ઉદ્ધવ ઠાકરેની વધુ એક જીત, ભાજપે આ ચૂંટણીમાંથી નામ પરત ખેંચ્યું

• ઉદ્ધવ ઠાકરેની વધુ એક જીત
• ભાજપે કિશન કથોરેનું નામ પરત ખેંચ્યું
• સ્પીકર પદ માટે ભાજપ નહીં લડે ચૂંટણી

BJPએ સ્પીકરનું નામ પાછું ખેંચ્યુ

મહારાષ્ટ્રમાં ભારતીય જનતા પાર્ટીએ પોતાના સ્પીકર કેન્ડિડેટનું નામ પાછું લઈ લીધું છે. બીજેપીએ આ પદ માટે કિશન કથોરેનું નામ રજૂ કર્યું હતું પરંતુ પછી તેને પાછું લઈ લીધું હતું. સવારે સાડા દસ વાગે નામાંકન પાછું લેવાનો સમય નક્કી હતો. ત્યારે કોંગ્રેસના નેતા નાના પટોલેએ કહ્યું કે મહારાષ્ટ્રમાં હાલ સુધી સ્પીકર બિનહરીફ રીતે ચૂંટાયા છે.

મહારાષ્ટ્રમાં વિપક્ષી દળ ભારતીય જનતા પાર્ટીએ શનિવારે કહ્યું હતું કે તે વિધાનસભા અધ્યક્ષ પદની ચૂંટણીમાં ભાગ લેશે અને સાથે તેને પોતાના ધારાસભ્ય કિશન કથોરેને મહા વિકાસ અઘાડીના ઉમેદવાર નાના પટોલેની વિરુદ્ધમાં ઉતારશે. પટોલે ભંડારાથી ધારાસભ્ય છે અને કથોરે થાણેથી ચૂંટાયા છે. 

Chandrakant Patil, Maharashtra BJP President: BJP had nominated Kisan Kathore for the post of Maharashtra Assembly Speaker, yesterday. But, after incumbents' request, we have decided to withdraw Kathore's candidature. pic.twitter.com/jQiOvd1PUB

— ANI (@ANI) December 1, 2019

ભાજપ પ્રમુખ ચંદ્રકાંત પાટિલનું નિવેદન

સ્પીકર અંગે મહારાષ્ટ્ર ભાજપ પ્રમુખ ચંદ્રકાંત પાટિલે કહ્યું કે અમારી પાર્ટીએ વિધાનસભા અધ્યક્ષ પદ માટે કિશન કથોરેને મેદાનમાં ઉતાર્યા હતા. પરંતુ અમે તેનું નામ પાછું લેવાનું નક્કી કર્યું છે. બીજી તરફ એનસીપીના નેતા છગન ભુજબલે કહ્યું કે વિપક્ષે અધ્યક્ષ પદ માટે ઉમેદવાર ઉભા કર્યા હતા, પરંતુ કેટલાક ધારાસભ્યોની માંગને ધ્યાનમાં રાખીને અને સ્પીકર પદના ગૌરવને ધ્યાનમાં રાખીને તેઓએ તેમનો ઉમેદવાર પાછો ખેંચી લીધો છે. હવે તેની ચૂંટણી બિનહરીફ થશે.