સુકેશ ચંદ્રશેખર પરના છેતરપીંડીના કેસમાં બોલિવૂડની બે અભિનેત્રીઓના પણ નામ સામે આવ્યા છે. જેમાં તિહાર જેલમાં સુકેશ બોલાવતો હોવા સહિતના અનેક ચોંકાવનારા દાવા થયા છે.
મહાઠગ સુકેશ ચંદ્રશેખર પર છેતરપીંડી કેસનો મામલો
બોલિવૂડની બે અભિનેત્રીઓ જેકલીન ફર્નાન્ડીઝ અને નોરા ફતેહીનું નામ જોડાયું
તિહાર જેલમાં મળવા જાતિ હોવાના કર્યા દવા
મહાઠગ સુકેશ ચંદ્રશેખર કેસમાં બોલિવૂડની બે અભિનેત્રીઓ જેકલીન ફર્નાન્ડીઝ અને નોરા ફતેહીનું નામ જોડાયું છે. ત્યારે આ બંને સિવાય અન્ય એક અભિનેત્રી પણ વારંવાર તિહાર જેલમાં જતી હતી તેવો દાવો કરવામાં આવ્યો છે. મહત્વનું છે કે 200 કરોડની છેતરપિંડીની સુકેશ ચંદ્રશેખર વિરુદ્ધ ફરીયાદ દાખલ કરવામાં આવેલી હતી. ચાર્જશીટમાં દિલ્હી પોલીસે દાવો કર્યો છે કે, એપ્રિલ-મે 2018ના મહિનામાં ત્રણ અભિનેત્રીઓ સુકેશને મળવા તિહાર જેલમાં જતી હતી. ત્રણેય અભિનેત્રીઓની પૂછપરછ દરમિયાન તમામ રહસ્યો ખોલ્યા છે. ત્યારે જાણવા મળી રહ્યું છે કે , તિહાર જેલના ઉચ્ચ અધિકારીઓને લાંચ આપવામાં આવી હતી.
1 કલાકની મુલાકાતના 1.5 લાખ રૂપિયા !
દિલ્હી પોલીસ દ્વારા ચાર્જસીટમાં જણાવ્યા અનુસાર જેલમાં અભિનેત્રીઓ 1 લાખથી 1.5 લાખ રૂપિયા સુધી લઈને સુકેશ ચંદ્રશેખરને 45 મિનિટથી 1 કલાક સુધી મુલાકાત કરતી હતી. જેલમાં સુકેશના શાનનો અંદાજો એ વાત પરથી લગાવી શકાય છે કે, જ્યારે કોઈ હિરોઈન આવતી ત્યારે તેને એક સ્પેશિયલ રૂમમાં મોકલવામાં આવતી હતી. જ્યાં ટીવી, એસી, ફ્રીજ સહિતની સુવિધાઓ આપવામાં આવતી હતી. સ્પેશિયલ રૂમમાં સુકેશ સાથે એકલી મિટીંગ કરતી હતી. તેમજ દિલ્હી પોલીસે દાવો કર્યો છે કે આ વાત અભિનેત્રીઓએ પોતે કહી છે. વધુમાં જણાવ્યું હતું કે અભિનેત્રીઓને BMW કારમાં તિહાર જેલમાં લાવવામાં આવતા હતા અને તેમને ગેટ નંબર 3 પાસેથી પ્રવેશ આપવામાં આવતો હતો.
તિહારના મહાનિર્દેશક પણ વેંચાયા
આ મામલામાં તિહારના પૂર્વ ડાયરેક્ટર જનરલ સંદીપ ગોયલને પહેલા જ સસ્પેન્ડ કરવામાં આવ્યા છે. તેના પર દિલ્હીના મંત્રી સત્યેન્દ્ર જૈન સાથે સાંઠગાંઠનો પણ આરોપ છે. સૂત્રોના જણાવ્યા અનુસાર દિલ્હી પોલીસ તપાસમાં થયેલા નવા ખુલાસા અંગે કેન્દ્રીય ગૃહ મંત્રાલયને જાણ કરવામાં આવશે. તેમજ સુકેશની સહયોગી પિંકી ઈરાની ઉર્ફે એન્જલ સામે જ મકોક હેઠળ ચાર્જશીટ દાખલ કરવામાં આવી છે. નોરા ફતેહી અને જેકલીન ફર્નાન્ડીઝને આમાં આરોપી બનાવવામાં આવ્યા નથી.
અમે BMWમાં તિહાર જેલના ગેટ પર ગયા હતા
ચાર્જશીટમાં અભિનેત્રીઓનું નિવેદન નોંધવામાં આવ્યું છે કે, જેમાં પિંકી ઈરાનીએ એપ્રિલ 2018માં સુકેશ ચંદ્રશેખર સાથે તેનો પરિચય કરાવ્યો હતો. જેથી તેને ફિલ્મોમાં વધુ તકો મળી શકે. ઈરાનીએ સુકેશને સાઉથ ઈન્ડિયન ફિલ્મ ઈન્ડસ્ટ્રીમાં પ્રોડ્યુસર તરીકે ઓળખ અપાવી હતી. વધુમાં તેણીએ ત્યાં સુધી કહ્યું હતું કે અમે BMWમાં તિહાર જેલના ગેટ પર ગયા હતા. ત્રણ નંબરના ગેટ પરથી એક ઈનોવા કાર અમને જેલની અંદર લઈ ગઈ હતી. મારી કોઈપણ સુરક્ષાને લઈને તપાસ કરવામાં આવી ન હતી. ત્યારબાદ હું એન્જલ સાથે સિડી ચડી એક રૂમમાં ગઈ હતી જ્યાં સુકેશ પહેલેથી જ બેઠો હતો. તેની સાથે એક યુવતી અને અન્ય બે પુરુષો પણ હતા. એન્જેલે મને થોડીવાર રાહ જોવા કહ્યું અને પછી મેં પોલીસ અધિકારીઓ વચ્ચે થોડીવાર રાહ જોઈ. તેણે કહ્યું, 'બાદમાં તેણે મને કહ્યું કે ઓગસ્ટ 2018 સુધીમાં જામીન મળી જશે. તેણે એ પણ કહ્યું કે તેની પાસે ઘણી અભિનેત્રીઓની ફિલ્મો છે. તે દિવસે તેણે એન્જલને લગભગ 10 લાખ રૂપિયા આપ્યા હતા, જેમાંથી મને રૂ. 1.5 લાખ રૂપિયા મળ્યા હતા.