રાજકારણ / યોગી સામે CMની ચૂંટણી લડશે પ્રિયંકા! કોંગ્રેસ નેતાના નિવેદનથી રાજકારણમાં ઉથલપાથલ

• કોંગ્રેસના મુખ્યમંત્રી તરીકે યુપીમાં પ્રિયંકા ગાંધીનુ નામ 
• કોંગ્રેસના પ્રદેશ પ્રભારીએ આપ્યું તેમનુ નામ
• કહ્યું જનતા તેમનેજ મુખ્યમંત્રી તરીકે જોવા માગે છે 

ઉત્તરપ્રદેશ કોંગ્રેસના પ્રભારી રાજેશ તિવારીએ દાવો કર્યો છે કે પ્રિયંકા ગાંધી યુપીમાં મુખ્યમંત્રી બનશે. સાથેજ તેમણે એવું પણ કહ્યું છે કે જનતા તેમને મુખ્યમંત્રીના રૂપમાં જોવા માગે છે. પ્રિયંકા ગાંધીના નેતૃત્વમાં આવતા વર્ષે વિધાનસભાની ચૂંટણી કોંગ્રેસ દ્વારા લડવામાં આવશે. જેમા દરેક સીટના ઉમેદવાર પણ તેજ પસંદ કરવાની છે. 

403 સીટો પર તેમના ઉમેદવાર ઉતારશે 

બીજી તરફ જનતાની સાથે સાથે ઉત્તરપ્રદેશના કોંગ્રેસ કાર્યકરો પણ પ્રિયંકાને મુખ્યમંત્રીના રૂપમા જોવા માગે છે. રાજેશ તીવારીએ કહ્યું કે ઉત્તરપ્રદેશમાં કોંગ્રેસ 403 એટલેકે બધીજ સીટો પર પોતાના ઉમેદવારને ઉતારશે વધુંમાં તેમણે એવો ઉલ્લેખ કર્યો છે કે સમાજવાદી પાર્ટી કે કોઈ પણ અન્ય પાર્ટી સાથે ગઠબંધનની હાલ કોઈ વાત સામે નથી આવી. 

છત્તીસગઢની જેમ ઉત્તરપ્રદેશમાં સફળતા મળશે

યુપી કોંગ્રેસના પ્રદેશ પ્રભારી રાજેશ તીવારીએ એવું પણ કહ્યું કે છત્તીસગઢનાં પણ 15 વર્ષ સુધી સત્તા ન હતી. પરંતુ હાલ ત્યા કોંગ્રેસની સત્તા છે અને તેમને સફળતા મળી છે. તેવીજ રીતે ઉત્તરપ્રદેશમાં પણ કોંગ્રેસની સત્તાને સફળતા મળશે. 

છત્તીસગઢના મુખ્યમંત્રીની મહત્વની ભૂમિકા 

કોંગ્રેસના 100 જેટલા પદાધિકારીઓ હાલ છત્તીસગઢમાં છે. જેમને કોંગ્રેસના ઈતિહાસથી લઈને બૂથ મેનેજમેંટ વીશે જાણકારી આપવામાં આવી રહી છે. છત્તીસગઢના મુખ્યમંત્રી ભૂપેશ બધેલ આમાં મહત્વની ભૂમીકા ભજવી રહ્યા છે. 

બૂથ લેવલે ટ્રેનિંગ 

ઉલ્લેખનીય છે કે સમગ્ર મામલે રાજેશ તિવારી એવું પણ કહ્યું કે રાયપુરના નિરંજન ધર્મશાળામાં માસ્ટર ટ્રેનરને બૂથ મેનેજમેન્ટની જાણકારી આપવામાં આવી હતી. જેમા પ્રિયંકા ગાધી પણ વર્ચુઅલ રીતે શામેલ થયા હતા. હવે તે માસ્ટર ટ્રેનર ઉત્તરપ્રદેશમાં અને વિધાનસભા સ્તરે કાર્યકર્તાઓને જાણકારી આપશે