ડોનાલ્ડ ટ્રમ્પને આવકારવા અમદાવાદ આતુર છે ત્યારે 'નમસ્તે ટ્રમ્પ'ના કાર્યક્રમને લઇને મોટેરા સ્ટેડિયમમાં સવારથી ભારે ભીડ ઉમટી છે. ટ્રમ્પને આવકારવા માટે અમદાવાદ આતુર છે. ત્યારે લોકો અવનવી સ્ટાઇલ સાથે મોટેરા સ્ટેડિયમ પહોંચી ગયા છે.
ટ્રમ્પને આવકારવા અમદાવાદ તૈયાર છે. ત્યારે ટ્રમ્પના પ્રવાસને લઇ ભારતના પૂર્વ રાજદૂતે કહ્યું કે આ રીતનું આયોજન અમે ક્યારેય નથી જોયું. આટલી મોટી સંખ્યામાં લોકો આવી રહ્યાં છે. ટ્રમ્પની મુલાકાતની સારી અસર ભારત અને અમેરિકાના સંબંધો પર જરૂર થશે. તો હાઉડી મોદી કાર્યક્રમના ઓયોજકોએ પણ શુભેચ્છા આપી. વહેલી સવારથી લોકો સ્ટેડિયમમાં અંદર જવા માટે પહોંચ્યા છે. મોટેરા સ્ટેડિયમની અંદર જવા માટે વહેલી સવારથી લાઈન લાગી છે.
અમદાવાદનું મોટેરા સ્ટેડિયમમાં નમસ્તે ટ્રમ્પ કાર્યક્રમને લઇને સ્ટેડિયમમાં લોકો માટે અલગ-અલગ બેઠક વ્યવસ્થા કરવામાં આવી. જેમાં જિલ્લા પ્રમાણે લોકોની બેસવા માટે બેઠક વ્યવસ્થા ગોઠવવામાં આવી છે. વીઆઇપી મહેમાનો સ્ટેડિયમની વચ્ચે બેસશે.
ટ્રમ્પ અને મોદીનો અનોખો ફેન
અમદાવાદમાં યોજાનાર કાર્યક્રમ નમસ્તે ટ્રમ્પને લઇને લોકોમાં અનરો ઉત્સાહ છે. બંને મહાનુભાવોની દોસ્તીને તેમના એક અનોખા ફેનેએ અલગ જ રીતે વ્યક્ત કરી છે. અમદાવાદના અરૂણ નામના યુવકે બંને દેશોના ફ્લેગનો શરીર પર પેઇન્ટ કરીને બંને ફેન઼્ડશિપ ફોરએવર રહે તેવી શુભકામના વ્યક્ત કરી છે.