કાળા કપડા પહેરનારને નમસ્તે ટ્રમ્પ કાર્યક્રમમાં નો એન્ટ્રી. કાળો કલર આમ તો વિરોધનો કલર છે અને છેલ્લાં કેટલાક સમયથી ગુજરાતમાં ગાધીનગરમાં વિરોધ પ્રદર્શન કરી રહેલા લોકો મોટેરા કાળી પટ્ટી બાંધીને કે કપડા પહેરીને વિરોધ ન કરે તે હેતુથી કાળા કપડા બેન કરવામાં આવ્યા હોવાની ચર્ચા થઈ રહી છે.
કાળા કપડા પહેરાનારને કાર્યક્રમમાં નો એન્ટ્રી
કેમ કાળા કપડાનો બહિષ્કાર?
વિરોધ છતો ન થાય એટલે બેન
આજે ડોનાલ્ડ ટ્રમ્પ અમદાવાદના મહેમાન બન્યા છે ત્યારે તેમના કાર્યક્રમમાં ભાગ લેનાર તમામ લોકોને કાળા કપડાથી દૂર રહેવાની વોર્નિંગ આપી દેવામાં આવી છે. કારણ કે, કાળા કપડા વિરોધનુ ચિહ્ન છે.
વિરોધ છતો ન થાય એટલે બેન
ડોનાલ્ડ ટ્રમ્પના રોડ શો કે 'નમસ્તે ટ્રમ્પ' માં ભાગ લેવાનું વિચારી રહ્યા હોવ તો કાળા વસ્ત્રો પહેરવા તો દૂર ખિસ્સામાં કાળું કપડું કે કાળો રૂમાલ હશે તો પણ પ્રવેશ આપવામાં નહીં આવે. હાલમાં સરકાર વિવિધ આંદોલનોથી ઘેરાયેલી છે. તેવામાં આંદોલન સાથે સંકળાયેલી કોઇ વ્યક્તિ કાળા વસ્ત્રનો વાવટો ફરકાવી વિરોધ નોંધાવે નહીં તે હેતુથી આ નિર્ણય લેવામાં આવ્યો છે. રોડ શોમાં પણ કોઇ પાસે કાળા રંગનું કોઇ વસ્ત્ર નથી તેની આઇબી દ્વારા ખાસ વોચ રખાશે.
શું છે કાર્યક્રમ
ટ્રમ્પ બપોરે 11.30 કલાકે અમદાવાદ પહોંચશે. જ્યાં તેમનું ભવ્ય સ્વાગ્ત કરવામાં આવશે. ત્યાર બાદ PM મોદી અને ટ્રમ્પ ઈન્ડિયા રોડ શોમાં ભાગ લેશે. આ દરમિયાન ડોનાલ્ડ ટ્રમ્પ ગાંધી આશ્રમની પણ મુલાકાત લેશે. તો મોટેરા સ્ટેડિયમમાં નમસ્તે ટ્રમ્પ કાર્યક્રમમાં પણ હાજર રહેશે. અને અહીં 1 લાખથી વધુ લોકોને સંબોધન કરશે.