મોદી અને ટ્રમ્પનું અમદાવાદમાં આગમનને પગલે અમદાવાદ સુરક્ષા છાવણીમાં ફેરવાઈ ગયુ છે. એરપોર્ટથી લઈને મોટેરા સ્ટેડિયમ સુધી થ્રી લેયરમાં સુરક્ષા આપવામાં આવશે.
બન્ને મહાનાયકને થ્રિ લેયરમાં સિક્યુરિટી આપશે. ફર્સ્ટ લેયરમાં US ની સિક્રેટ સર્વિસ એજન્સી તૈનાત રહેશે. આધુનિક હથિયાર સાથે US સુરક્ષા એજન્સી સુરક્ષા આપશે. સેકન્ડ લેયરમાં એસપીજી અને એનએસજી કમાન્ડો સુરક્ષા આપશે. થર્ડ લેયરમાં ATS અને ક્રાઇમ બ્રાન્ચના જવાન તૈનાત રહેશે.
પોલીસ સુરક્ષા કવચને આખરી આખરી ઓપ અપાયો છે. એરપોર્ટ પર એન.એસ.જી કમાન્ડો તૈનાત કરાયા છે. હથિયારધારી કમાન્ડો ટ્રમ્પ અને મોદીની સુરક્ષામાં ગોઠવાયા છે. ગુજરાત પોલીસ અને કેન્દ્રીય સુરક્ષા એજન્સી દ્વારા ચુસ્ત બંદોબસ્ત ગોઠવાયો. સિક્રેટ સર્વિસ એજન્સીઓ પણ સતર્ક છે.
5 IPS, 65 ACP, 200 PI અને 800 PSI રહેશે તૈનાત
સમગ્ર રૂટ પર 200 CCTV કેમેરા લગાવાયા. NSG અને SPG ડ્રોન કેમેરાથી રાખશે નજર. 25 IPS, 65 ACP, 200 PI અને 800 PSI રહેશે તૈનાત. કુલ 10 હજાર પોલીસ કર્મચારીઓ રહેશે ખડેપગે.
મોટેરા સ્ટેડિયમમાં 5000 પોલીસ તૈનાત રહેશે.
એરપોર્ટ, રોડ શૉમાં એક હજાર પોલીસકર્મી તૈનાત રહેશે. એન્ટી સનાઇપરની NSGની ટુકડીઓ સ્ટેન્ડ બાય મોડ પર. મોટેરા અને ગાંધી આશ્રમ ખાતે સ્ટેન્ડ બાય રાખવામાં આવશે. 120 જેટલા DFMD સ્કેનિંગ મશીન રાખવામાં આવશે. ડોર ફ્રેમ મેટલ ડિટેક્ટર મશીન પણ લગાવવામાં આવશે.
એરપોર્ટ સહીત આસપાસના વિસ્તારમાં ચેકીંગ કરવામાં આવ્યું
અમદાવાદમાં ડોનાલ્ડ ટ્રમ્પના આગમનને લઇને તંત્ર એલર્ટ થયું છે. અમદાવાદ એરપોર્ટ પોલીસ છાવણીમાં ફેરવાઇ ગયું છે. SPG દ્વારા એરપોર્ટ પર ચેકીંગ હાથ ધરાયુ છે. ડોગ સ્ક્વોડ દ્વારા પણ ચેકીંગ કરવામાં આવી રહ્યું છે. એરપોર્ટ સહીત આસપાસના વિસ્તારમાં ચેકીંગ કરવામાં આવ્યું છે.