ડોનાલ્ડ ટ્રમ્પની મોટેરા સ્ટેડિયમની મુલાકાતને લઇ એક પછી એક રસપ્રદ વળાંક આવી રહ્યા છે. અગાઉ ટ્રમ્પના હસ્તે સ્ટેડિયમનું લોકાર્પણ કરાશે તેવી ચર્ચા હતી, જોકે હવે ફક્ત સ્ટેડિયમમાં 'નમસ્તે ટ્રમ્પ' કાર્યક્રમ ભપકાદાર રીતે ઊજવાશે. ઉપરાંત ટ્રમ્પની ગાંધીઆશ્રમની મુલાકાતને લઇ પણ અનેક પ્રકારની દ્વીધાઓ હજુ પણ ઊભી છે. આ બધી બાબતો વચ્ચે ગઇ કાલે બપોરે મેયરની અધ્યક્ષતા હેઠળ અચાનક ડોનાલ્ડ ટ્રમ્પ નાગરિક અભિવાદન સમિતિની રચના કરાતાં સમગ્ર મ્યુનિ. વર્તુળોમાં આશ્ચર્ય ફેલાયું છે. અા સમિતિની જવાબદારી નક્કી કરાઇ ન હોઇ સમગ્ર સમિતિ કન્ફયૂઝન સમિતિમાં ફેરવાઇ છે.
ટ્રમ્પના કાર્યક્રમ પાછળ રૂા. 1.30 કરોડનું આંધણ
કોંગ્રે ઉઠાવ્યા પ્રશ્નો, રૂપિયા કોણે આપ્યા?
સમિતિમાં કોનો કોનો સમાવેશ
ટ્રમ્પના કાર્યક્રમના આયોજન પાછળ રૂ.૧૩૦ કરોડથી વધુનો ખર્ચ થાય તેવી શક્યતા છે. જોકે આ ખર્ચ બાબતે રાષ્ટ્રીય સ્તરે કોંગ્રેસે વેધક પ્રશ્નો ઉઠાવતાં અચાનક જ રાતોરાત ડોનાલ્ડ ટ્રમ્પ નાગરિક અભિવાદન સમિતિની જાહેરાત શહેરના શાસકો દ્વારા કરાઇ છે. ભાજપના શાસકોની આ જાહેરાતથી મ્યુનિ. કોર્પો.નાં વગદાર વર્તુળો પણ અચંબામાં મુકાઇ ગયાં છે.
મેયર બીજલબહેન પટેલ ડોનાલ્ડ ટ્રમ્પનું સ્વાગત ક્યાં કરશે તે હજુ નક્કી નથી
આ સમિતિમાં કુલ ૮ સભ્યનો સમાવેશ કરાયો છે, જેમાં મેયર ઉપરાંત શહેરના બે સંસદસભ્ય ડો.કિરીટ સોલંકી અને હસમુખ પટેલ તેમજ ગુજરાત ચેમ્બર ઓફ કોમર્સના પ્રમુખ દુર્ગેશ બૂચ વગેરેનો સમાવેશ થાય છે, જોકે શહેરના લાખો નાગરિકો વતી મેયર બીજલબહેન પટેલ ડોનાલ્ડ ટ્રમ્પનું સ્વાગત ક્યાં કરશે તે હજુ નક્કી નથી. ઉપરાંત સમિતિના સભ્યો પણ પોતાની ભૂમિકા અંગે અવઢવમાં છે.
કોને કોને મૂકાયા પડતા!
આમાં આશ્ચર્યજનક બાબત એ છે કે સમિતિના સભ્ય તરીકે સ્ટેન્ડિંગ કમિટીના ચેરમેન અમૂલ ભટ્ટ, પક્ષના નેતા અમિત શાહ તેમજ વિપક્ષના નેેતા દિનેશ શર્મા જેવા મ્યુનિ. ઉચ્ચ હોદ્દેદારનો સમાવેશ કરાયો નથી. મ્યુનિ. તંત્ર દ્વારા નવા રસ્તા, ફૂટપાથ નિર્માણ પાછળ કરાયેલ રૂ.પ૦ કરોડથી વધુનો ખર્ચ તો તંત્ર પોતે જ જાહેર કરશે, જ્યારે અન્ય ખર્ચાઓને સમિતિના હિસાબમાં બતાવીને સમગ્ર આયોજનના ખર્ચને કોઈ પડકારી ના શકે તેવી વ્યવસ્થા ગોઠવાશે.