ટ્રાવેલ / MP ફરવાં જવાનું વિચારી રહ્યા છો, તો આ ફેસ્ટિવલમાં જજો દિલ ખુશ થઈ જશે

મધ્યપ્રદેશમાં પર્યટન સ્થળને પ્રોત્સાહન આપવા માટે રાજ્ય પર્યટન બોર્ડ દ્વારા આયોજિત સાંસ્કૃતિક ઉત્સવમાં ઓરછા શહેર અને તેની સંસ્કૃતિ આકર્ષણનું કેન્દ્ર હશે. ઉત્સવના ડિરેક્ટર અને સંગ્રહાલય અધ્યક્ષ યાસ્મીન કિદવઇએ જાણકારી આપતાં જણાવ્યું કે નમસ્તે ઓરછા ફેસ્ટીવલ છ માર્ચથી શરુ થશે. આ ઉત્સવમાં કળા, સંગીત, નૃત્ય, ફોટોગ્રાફી ટુર અને ઐતિહાસિક કહાનિયોના માધ્યમથી મધ્યપ્રદેશ અને ખાસ કરીને ઓરછાની સંસ્કૃતુ તરફ પર્યટકોનું ધ્યાન આકર્ષિત કરાશે.

ઓરછા મધ્યપ્રદેશના બુંદેલખંડમા આવેલુ એક શહેર છે. તે પ્રસિધ્ધ રામ રાજા મંદિર સહિત ઘણા મંદિરો, સ્મારકોની સાથે રાજાઓના મહેલો માટે પણ જાણીતું છે. ઓરછાને સૌથી શ્રેષ્ઠ હેરિટેજ સિટી માટે વર્ષ 2017-18માં રાષ્ટ્રીય પર્યટન એવોર્ડ મળી ચુક્યો છે. તે વિદેશી પર્યટકોની વચ્ચે પણ ખુબ ફેમસ છે. બેતવા નદીના કિનારે આવેલુ તે એક રોયલ સિટી છે. નેચરલ બ્યુટી ઉપરાંત તે ડેસ્ટિનેશન મંદિરો અને મહેલો માટે પણ ફેમસ છે. અહીં બે રાત અને અને ત્રણ દિવસ રોકાવા માટે તમારે માત્ર સાડા ચાર હજાર રુપિયા જ ખર્ચવા પડશે. 

યાસ્મીન કિદવઇએ કહ્યુ કે મધ્યપ્રદેશમાં ઓરછાની પ્રસિધ્ધ વિરાસત, પ્રાકૃતિક સુંદરતા, સંસ્કૃતિ અને રચનાત્મકતા છુપાયેલા રત્ન જેવી છે. તેમણે કહ્યુ કે અમે એક વાર્ષિક કાર્યક્રમ કરવાનું વિચાર્યુ છે જેના માધ્યમથી રાજ્યમાં રહેલા આકર્ષક સ્થાનો, સંસ્કૃતિઓ, વિચારો અને રચનાત્મકતાને એક સાથે લાવવામાં મદદ મળશે. ત્રણ દિવસના આ ઉત્સવનો ઉદ્ઘાટન સમારંભ સાંસ્કૃતિક કાર્યક્રમોની સાથે 16મી શતાબ્દીના ઓરછા કિલ્લા પર આયોજિત કરાશે. આ ઉત્સવમાં બેતવા નદીના કિનારે મહાઆરતીનું વ્યાપક દ્શ્ય બતાવવાની સાથએ જૈવિક કૃષિ ઉત્પાદનોનું પ્રદર્શન પણ કરાશે.

મધ્યપ્રદેશ સરકારના પર્યટન સચિવ ફૈઝ અહમદ કિદવઇએ ક્હયુ કે આ ઉત્સવના માઘ્યમથી આવનારા લોકો સ્થાનિક ઓરછા લોકોને મળીને તેમના જીવન વિશે જાણી શકશે. આ ઉત્સવમાં એક ખાદ્ય અને શિલ્પ બજારનું પણ આયોજન કરાશે. જેમાં સ્થાનિક વ્યંજન અને ક્ષેત્રની પારંપરિક હસ્તશિલ્પ વસ્તુઓ ઉપલબ્ધ થશે. આ ઉત્સવમાં ઇંડી મ્યુઝિક બેન્ડ અને પ્રસિધ્ધ હિંદુસ્તાની શાસ્ત્રીય ગાયિકા શુભ મુદ્રલ પણ કાર્યક્રમ પ્રસ્તુત કરશે, ઉત્સવનું સમાપન આઠ માર્ચે થશે.