ભૂતપૂર્વ ભારતીય ક્રિકેટર Naman Oza ના પિતાની 1.25 કરોડ રૂપિયાની ઉચાપત કેસમાં ધરપકડ કરવામાં આવી છે.
નમન ઓઝા ભારતના પ્રખ્યાત ક્રિકેટર
નમનના પિતા સામે 1.25 કરોડની ઉચાપત છે કેસ
પોલીસે સોમવારે વીકે ઓઝાની કરી ધરપકડ
ભૂતપૂર્વ ભારતીય ક્રિકેટર નમન ઓઝાના પિતાની 1.25 કરોડ રૂપિયાની ઉચાપત કેસમાં ધરપકડ કરવામાં આવી છે. વિગતો મુજબ વર્ષ 2013માં તત્કાલિન મેનેજર નમનના પિતા વીકે ઓઝા સામે ઉચાપતનો ગુનો દાખલ થયાં બાદ 2014થી તેઓ નાસતા ફરતા હતા. આ તરફ સ્થાનિક પોલીસ ચોક્કસ બાતમી મેળવી સોમવારે વીકે ઓઝાની પણ ધરપકડ કરી છે.
શું હતો સમગ્ર કેસ ?
ભૂતપૂર્વ ભારતીય ક્રિકેટર નમન ઓઝાના પિતા વીકે ઓઝા પર બેંક મેનેજર તરીકે રૂ.1.25 કરોડની ઉચાપતનો આરોપ છે.
વર્ષ 2013માં બેંક ઓફ મહારાષ્ટ્રની જૌલખેડા શાખામાં આશરે રૂ. આ કેસમાં 2014માં તત્કાલિન મેનેજર નમનના પિતા વિનય ઓઝા વિરુદ્ધ FIR દાખલ કરવામાં આવી હતી. તેમની સામે છેતરપિંડી સહિત અન્ય કલમો હેઠળ કેસ નોંધવામાં આવ્યો હતો. પોલીસે વીકે ઓઝાને કોર્ટમાં રજૂ કર્યા હતા. જે બાદમાં તેમને એક દિવસના પોલીસ રિમાન્ડ પર મોકલવામાં આવ્યા હતા.
કેસ નોંધાયા બાદ ફરાર હતા વીકે ઓઝા
વીકે ઓઝા 2014માં કેસ નોંધાયા બાદથી ફરાર હતા. આ કેસમાં સામેલ આરોપીઓ સામે કલમ 409, 420, 467, 468, 471, 120B, 34 અને આઈટી એક્ટની કલમ 65,66 હેઠળ કેસ નોંધવામાં આવ્યો હતો. આ કેસમાં સંડોવાયેલા તમામ આરોપીઓની ધરપકડ થઈ ચૂકી છે, પોલીસે સોમવારે વીકે ઓઝાની પણ ધરપકડ કરી છે.
નમન ઓઝા ભારતના પ્રખ્યાત ક્રિકેટર
નમન ઓઝાએ પોતાની કારકિર્દીમાં એક ટેસ્ટ, એક ODI અને બે T20 આંતરરાષ્ટ્રીય મેચ રમી છે. આ સિવાય નમન 113 આઈપીએલ મેચ પણ રમ્યો છે. નમનના ટેસ્ટમાં 56 રન, વનડેમાં એક રન અને T20માં 12 રન છે. તેણે 2021માં આંતરરાષ્ટ્રીય ક્રિકેટમાંથી નિવૃત્તિ લીધી હતી. આ દરમિયાન તે તેના પિતા સાથે ઈન્દોરના હોલકર સ્ટેડિયમ પહોંચ્યો હતો અને ફોટો પડાવ્યો હતો.