માન્યતા / નખ ચાવવાની આદત હોય તો સુધારી દેજો, નહીંતર તમારા જીવન પર પડી શકે છે આડ અસર, આ ગ્રહ સાથે છે નાતો

નખને દાંતથી કોતરવાની કે પછી ચાવવાની આદત ઘણા લોકોમાં જોવા મળે છે. નવરા બેઠા હોય કે પછી ટેન્શનમાં હોય તે લોકો ક્યારેક અજાણતા જ નખને દાંતથી કોતરવા લગતા હોય છે ત્યારે નાખ્મ રહેલો મેલ શરીરમાં જઈને નુકસાન તો કરે જ છે પણ જ્યોતિષના મત મુજબ આ આદતનો પ્રભાવ તમારા ગ્રહો પર પણ પડતો હોય છે.

નખ અને જ્યોતિષ

તમે જાણતા જ હશો કે ઘણીવાર આપણા ઘરમાં મમ્મી કે દાદી આપણને શનિવારે નખ કાપવા પર ટોકતાં હશે, શનિવારે નખ કાપવા જોઈએ નહીં એમ મનાય છે કારણકે નખ ને સીધો સંબંધ શનિ ગ્રહ સાથે છે. અને શનિને દંડના કારક ગ્રહ મનાય છે તે તમારા કર્મોનું ફળ તમને આપે છે. એટલે તમારા નખ હંમેશા કાપેલા રાખવા જોઈએ પણ એ દાંતથી ક્યારેય ના કાપવા જોઈએ. જો તમને મોટા નખ રાખવાનો શોખ છે તો રોજ તેને સાફ કરવા જોઈએ. જો તમારી પહેલી આંગળી એટલે કે તર્જનીનો નખ વારંવાર તૂટી જતો હોય તો તે તમારા જીવનમાં સમસ્યા આવશે તેવું દર્શાવે છે.

માનસિક તણાવ

જો કે એવું પણ કહેવાય છે કે નખ કોતરવાની આદત તમારા માનસિક સ્વાસ્થ્ય માટે પણ સારું નથી, નખ કોતરવા એ આત્મ વિશ્વાસની ખામી દર્શાવે છે તો ક્યારેય તે પ્રેમમાં ભંગ થવાનું કારણ પણ બને છે તો આમ કરવું ટાળવું જોઈએ.

વધુ વાંધો: શિયાળામાં હોઠ ફાટતા હોય તો અપનાવો આ ઘરેલુ નુસખા, દેખાવા લાગશે ગુલાબી અને મુલાયમ

પતિ-પત્નીમાં અણબનાવ

જો તમે તમારી સૌથી નાની ટચલી આંગળીના નખને કોતરો છો તો આમ કરવાથી પતિ-પત્નીના સંબધોમાં માધુર્ય જળવતું નથી અને કડવાશ આવવા લાગે છે. તો ક્યારેક હતાશા પણ અનુભવાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ