જઘન્ય અપરાધ / નિર્ભયાના દોષિતોને હજુ ફાંસી નથી મળી, ત્યાં દેશમાં બની વધુ એક કાળજું કંપાવી દેતી દુષ્કર્મની ઘટના

• યુવતીની એકલતાનો લાભ લઈ આધેડે યુવતી સાથે દુષ્કર્મ કર્યું
• નરાધમે યુવતીનાં પ્રાઈવેટ પાર્ટમાં લોખંડનો સળીયો નાંખ્યો
• યુવતીએ ભાઈને આ અંગે જણાવતા મામલો સામે આવ્યો

નરાધમે ગુજાર્યો બળાત્કાર 

મહારાષ્ટ્રના નાગપુરમાં ગત અઠવાડિયે 19 વર્ષીય યુવતી સાથે બળાત્કાર થયાની ઘટનાં સામે આવી છે. યુવતી સાથે બળાત્કારીએ પ્રાઈવેટ પાર્ટ્સમાં લોખંડનો સળીયો નાંખ્યો હતો. આ ઘટના સાંભળનારાઓમાં અરેરાટી ફેલાઈ ગઈ હતી.  પોલીસે સોમવારે માહિતી આપી હતી કે તેમણે આરોપીની ધરપકડ કરી દીધી છે.

નરાધમે પીડિતાનાં પ્રાઈવેટ પાર્ટમાં લોખંડનો સળીયો નાંખ્યો

પીડિતા તેના ભાઈ, આરોપી અને એક મહિલા સાથે ભાડાનાં ઘરમાં રહે છે. 52 વર્ષીય આરોપી યોગીલાલ રહંગદાલે એક કપડાની મિલમાં સુપરવાઈઝર તરીકે કામ કરે છે. 
પોલીસ ઈન્સપેક્ટર સુનીલ ચૌહાણે જણાવ્યું હતું કે પીડિતાએ કહ્યું હતું કે , 21 જાન્યુઆરીએ  મહિલા તથા તેનો ભાઈ કોઈ કામથી ઘરથી બહાર હતા. આ દરમિયાન એકલતાનો ફાયદો ઉઠાવી નરાધમે તેની સાથે બળાત્કાર ગુજાર્યો હતો. તે બુમો ન પાડે તે માટે તેણે મોઢામાં કપડાનો ડુચો નાંખી દીધો હતો. એટલું જ નહી આ નરાધમે તેનાં પ્રાઈવેટ પાર્ટ્સમાં લોખંડનો સળીયો પણ નાંખ્યો હતો. 

પીડિતાએ 3 દિવસ પછી ભાઈને ઘટનાની જાણ કરી 

પીડિતા ઘટનાથી ડરી ગઈ હતી અને તેણે ઘટનાના 3 દિવસ પછી શુક્રવારે તેના ભાઈને કરી હતી. જેને પગલે તેનાં ભાઈ સાથે પોલીસ સ્ટેશન આવી આરોપી સામે ફરીયાદ નોંધાવી હતી. પોલીસે આ ઘટનાને પગલે નરાધમની ધરપકડ કરી તપાસ હાથ ધરી હતી. તેમજ પોલીસે પીડિતાનું મેડિકલ કરાવ્યું હતું.