પાકિસ્તાન ક્રિકેટ ટીમનો યુવા ખેલાડી નસીમ શાહ હાલ ચર્ચામાં છે. ટી-20 એશિયા કપમાં નસીમ શાહે ઘણા લોકોનું ધ્યાન ખેચ્યું છે ત્યારે નાગિન ફેમ સુરભી જ્યોતિએ પણ ટ્વિટ કર્યું.
પાકિસ્તાન ક્રિકેટ ટીમનો યુવા ખેલાડી ચર્ચામાં
ટી-20 એશિયા કપમાં નસીમ શાહની થઇ વાહવાહી
નાગિન ફેમ અભિનેત્રી સુરભી જ્યોતિએ પણ કર્યું ટ્વિટ
પાકિસ્તાન ક્રિકેટ ટીમનો યુવા ખેલાડી નસીમ શાહ હાલ ચર્ચામાં છે. ટી-20 એશિયા કપમાં નસીમ શાહની બોલિંગે બધાનું ધ્યાન ખેંચ્યું હતું. પરંતુ હવે બોલિંગની સાથે સાથે ક્રિકેટરો સતત પોતાની બેટિંગને લઇને પણ હેડલાઇન્સ બનાવતા રહે છે. નસીમે અફઘાનિસ્તાન સામેની મેચમાં જબરજસ્ત બેટીંગ કરી હતી.
પાકિસ્તાનનો ખેલાડી બન્યો લોકપ્રિય
મેચમાં જે રીતે નસીમે 20મી ઓવરના પહેલા બે બોલમાં છગ્ગા ફટકારીને ટીમને જીતાડી હતી, તેના કારણે દુનિયાભરના લોકો તેના ફેન બની ગયા છે. નસીમના શાનદાર પ્રદર્શનને પાકિસ્તાનની સાથે સાથે ભારતમાં પણ ખૂબ પસંદ કરવામાં આવ્યું હતું. સામાન્યથી લઈને ખાસ લોકો સુધી, દરેક જણ તેમના વખાણ કરવા માટે પાછળ નથી રહ્યા.
નાગિન ફેમ અભિનેત્રીએ કરી ટ્વિટ
આ ઘટના પછી નાગિન ફેમ એક્ટ્રેસ સુરભી જ્યોતિની નજર પણ તેના પર છે. પાકિસ્તાન ક્રિકેટ ટીમના આ ખેલાડીની ફેન બની ગઈ છે. સુરભીએ નસીમના વખાણ કરતા ટ્વિટ પણ કર્યું છે. જે સોશિયલ મીડિયા પર ખૂબ વાયરલ થઇ રહી છે. સુરભી જ્યોતિએ ટ્વીટ કર્યું, "પાકિસ્તાનને ચોક્કસથી એક હીરો મળ્યો છે. '
પાકિસ્તાન મીડિયામાં બની હેડલાઈન
આ ટ્વિટ બાદ સુરભી જ્યોતિ પણ સતત પાકિસ્તાની મીડિયામાં હેડલાઇન્સ બનાવી રહી છે. સુરભી પહેલા બોલિવૂડ એક્ટ્રેસ ઉર્વશી રૌતેલાએ પણ નસીમનો એક વીડિયો શેર કર્યો છે. તમને જણાવી દઈએ કે - સુરભી જ્યોતિ છેલ્લે એકતા કપૂરની ફેમસ ટીવી સીરિયલ નાગિનમાં જોવા મળી હતી, સીરિયલ નાગિન પહેલા સુરભી જ્યોતિને સીરિયલ કુબુલ હૈથી ઓળખ મળી હતી.