નાગાલેન્ડ રાજ્યની સ્થાપના 1963ની સાલમાં થઈ હતી. ત્યારથી લઈને આજસુધી આ રાજ્યમાં એકપણ મહિલા વિધાયક નહોતી બની. હવે આ 2 મહિલાઓએ નાગાલેન્ડમાં ઈતિહાસ રચ્યો છે.
60 વર્ષમાં પહેલીવાર મહિલા બની વિધાયક
હેકાની જખાલુ બની રાજ્યની પ્રથમ મહિલા વિધાયક
2 મહિલાઓએ નાગાલેન્ડમાં ઈતિહાસ રચ્યો
નાગાલેન્ડનાં 60 વર્ષનાં ઈતિહાસમાં પહેલીવાર વિધાનસભામાં મહિલાઓએ એન્ટ્રી લીધી છે. BJP-NDPP ગઠબંધનની ઉમેદવાર હેકાની જખાલુ દીમાપુર-3થી જીત મેળવીને નાગાલેન્ડની પહેલી મહિલા વિધાયક બની છે. તેમણે લોક જનશક્તિ પાર્ટી (રામ વિલાસ)નાં અજહેતો જ઼િમોમીને 1536 વોટોથી હરાવ્યું છે.
દ્વિતીય મહિલા વિધાયકે 7 વોટથી મેળવી જીત
હેકાની સિવાય સત્તારૂઢ નેશનલિસ્ટ ડેમોક્રેટિક પ્રોગ્રેસિવ પાર્ટીની ઉમેદવાર Salhoutionuo kruse એ પશ્ચિમી અંગામી એસી થી જીત મેળવી છે. તેમણે નિર્દલીય ઉમેદવાર Keneizhakho Nakhro ને 7 વોટોથી માત આપી છે. ચૂંટણી જીતનારી આ દ્વિતીય મહિલા બની છે.
કોણ છે હેકાની જખાલુ?
હેકાની જખાલુએ અમેરિકાથી કાયદાનું ભણતર કર્યું છે. તે છેલ્લાં ઘણાં સમયથી નાગાલેન્ડમાં સામાજિક કાર્ય કરી રહી હતી. તે યૂથનેટની ફાઉન્ડર છે. હેકાનીને નારી શક્તિ પુરસ્કારથી પણ સમ્માનિત કરવામાં આવ્યું છે. જખાલુએ પોતાની મેનીફેસ્ટોમાં દીમાપુરમે મોડર્ન બનાવવાની વાત કહી હતી. આ સિવાય તેમણે યૂથ ડેવલોપમેન્ટ, મહિલા સશક્તિકરણ અને માઈનોરિટી રાઈટ્સને લઈને પણ ચર્ચા કરી હતી.
2 લાખની ઘડિયાલ પહેરે છે હેકાની...
તેમણે વર્ષ 2013માં યૂનિવર્સિટી ઓફ સાન ફ્રાન્સિસ્કો સ્કૂલ ઓફ લૉમાંથી કાયદાની માસ્ટર્સની ડિગ્રી પ્રાપ્ત કરી હતી. જો તેમની સંપત્તીની વાત કરવામાં આવે તો તેમની પાસે 5.58 કરોડની કુલ સંપત્તિ હોવાની માહિતી મળી આવી છે. માહિતી અનુસાર તેમની પાસે 30000 રૂપિયાનાં ઘરેણાં અને 2 લાખ રૂપિયાની ઘડિયાલ છે. તેમના પતિ પાસે 60000 રૂપિયાની સોનાની વીંટી અને 2 લાખની સોનાની ચેઈન છે. તેમની કુલ જંગી સંપત્તી આશરે 3.51 કરોડ જેટલી છે.
ચૂંટણીનાં મેદાનમાં 4 મહિલાઓ ઊતરી હતી
નાગાલેન્ડની 60 સદસ્યીય વિધાનસભાની 59 સીટો માટે 183 ઉમેદવારો ચૂંટણીનાં મેદાનમાં ઊતર્યાં હતાં. તેમાં 4 મહિલાઓ શામેલ હતી. નાગાલેન્ડમાં સત્તારૂઢ નેશનાલિસ્ટ ડેમોક્રેટિક પ્રોગ્રેસિવ પાર્ટી અને ભાજપનું ગઠબંધન છે. NDPP 40 તો ભાજપ એ 20 સીટો પર પોતાના ઉમેદવારો ઊતાર્યાં હતાં. તો 2003 સુધી રાજ્ય પર શાસન કરનારી કોંગ્રેસે 23 ઉમેદવારો ઊતાર્યાં હતાં. NDPPએ 2018માં આ પૂર્વોત્તર રાજ્યમાં ભાજપની સાથે મળીને સરકાર બનાવી હતી. તેને જનતા દળ યૂનાઈટેડ અને એક નિર્દળીય ઉમેદવારનું પણ સમર્થન મળ્યું હતું.