ત્રણ વારના ચેમ્પિયન સ્પેનના રાફેલ નડાલે ચોથા અને અંતિમ ગ્રાન્ડસ્લેમ યૂએસ ઓપનના ક્વાર્ટર ફાઇનલમાં જગ્યા બનાવી લીધી છે. પુરુષ સિંગલ વર્ગમાં પ્રી ક્વાર્ટર ફાઇનલમાં સ્પેનિશ દિગ્ગજ નડાલે ક્રોએશિયાના મારિન સિલિકને ચાર સેટ ચાલેલા મુકાબલામાં 6-3, 3-6, 6-1, 6-2 થી પરાજીત કર્યો.
વર્લ્ડ નંબર-1 નોવાક જોકોવિચ ટૂર્નામેન્ટથી બહાર થઇ ગયો છે. અને દર્શકોને ફાઇનલમાં નડાલ અને સ્વિટ્ઝરલેન્ડના મહાન ખેલાડી રોજર ફેડરરની વચ્ચે મુકાબલો જોવા મળી શકે છે.
ક્વાર્ટર ફાઇનલમાં નડાલનો સામનો ડિએગો શ્વાર્ટજમેન સામે થશે. આર્જેન્ટીનાના ખેલાડીએ અંતિમ 16ની મેચમાં જર્મનીના એક્જેન્ડર જ્વેરેવને હરાવ્યો હતો.
હવે વાત કરીએ મહિલા સિંગલ વર્ગની તો, વર્તમાન ચેમ્પિયન અને ટોચની સીડ જાપાનની નાઓમી ઓસાકાને સ્વિટ્ઝરલેન્ડની બેલિન્ડા બેનકિકે એક મોટા મુકાબલામાં 7-5, 6-4 થી હરાવ્યા. ક્વાર્ટર ફાઇનલમાં બેનકિકનો સામનો ક્રોએશિયાની ડોના વેકિક સામે થશે.