અકસ્માત / વડોદરામાં નબીરાએ સર્જ્યો અકસ્માત, કાળમુખી બનેલી જીપે માસુમ 7 વર્ષના બાળકનો ભોગ લીધો

• જીપ ચાલકે મોપેડને ટક્કર મારતા 7 વર્ષના બાળકનું મોત
• ઘનશ્યામ ફૂલબાજેનો પુત્ર જીપ ચલાવતો હોવાની બાતમી 
• માંજલપુર RSP નેતા ઘનશ્યામ ફૂલબાજેનો પુત્ર હોવાની આશંકા 

વડોદરામાં માંજલપુર પાસે અકસ્માતની ઘટના સામે આવી જેમાં 7 વર્ષના બાળકનું અપમૃત્યું નિપજ્યું હતું દારૂના નશામાં જીપ ચાલકે એક્ટિવા પર જતા ત્રણ લોકોને ટક્કર મારતા 7 વર્ષના બાળકનું કરુણ મોત નિપજ્યું હતું ઘટનાને પગલે સમગ્ર વિસ્તારમાં અરેરાટી વ્યાપી ગઈ છે.
 

ઘનશ્યામ ફૂલબાજેનો પુત્ર જીપ ચલાવતો હોવાની માહિતી 

શનિવારે સાંજે જીપના ચાલકે મોપેડને ટક્કર મારતાં 7 વર્ષના બાળકનું મોત નિપજ્યું છે.  માસીના ઘરે રહેતો કવિશ પટેલ જેની ઉંમર સાત વર્ષની છે તે ટ્યૂશન પુરું કરીને માટા ભાઈ બેર સાથે એક્ટિવા પર ઘરે પરત ફરી રહ્યો હતો તે વખતે પૂરપાટ ઝડપી આવતી જીપે એક્ટિવાને ટક્કર મારી હતી જેના કારણે રોડ પર પટકાતા કવિશને માથાના ભાગે ઈજા પહોંચતા જેનું ઘટના સ્થળે જ મોત નિપજ્યું છે.  

જીપમાં તલવાર જેવા મારક હથિયારો પણ લોકોએ જોયા 

મહત્વનું છે જે સમયે અકસ્માત સર્જાયો તે સમયે જીપ ચાલક દારૂના નશામાં હોવાનું મનાઈ રહ્યું છે ઘટના બાદ જીપ ચાલક જીપ મુકી ફરાર થઈ ગયા હતા જીપમાં અન્ય ત્રણ લોકો પણ સવાર હોવાનું સામે આવ્યું છે, માંજલપુર વિસ્તારમાં રોફ જમાવવા પુરપાટ ઝડપે અસામાજિક તત્વો જીપ ચલાવી રહ્યા હોવાની લોકોમાં ચર્ચા થઈ રહી છે. 

પોલીસ હજી સુધી જીપ ચાલકનો નથી લગાવી શકી પત્તો 

જીપ ચાલકે હિટ એન્ડ રનની ઘટના બાદ અલવા નાકા પાસે ડીવાઈડર પર જીપ ચઢાવી દીધી હતી. આ પછી જીપ મૂકી જીપ ચાલક ફરાર થયો હતો. જીપ ચાલક ખાનદાની નબીરો હોવાની લોકોમાં ચર્ચા છે. માંજલપુર પોલીસે ગુનો નોંધી તપાસ શરૂ કરી છે. સમગ્ર ઘટનામાં આ જીપ માંજલપુરના RSP નેતા ઘનશ્યામ ફૂલબાજેની રેસિંગ જીપ હોવાની ચર્ચા તેમજ ઘનશ્યામ ફૂલબાજેનો પુત્ર જીપ ચલાવતો હોવાની માહિતી સામે આવી છે. 

માંજલપુરના શિવમ ગ્રૂપનો સભ્ય છે જીપ ચાલક 

જીપ ચાલક દારૂના નશામાં હોવાની પણ ચર્ચા રહ્યું છે જ્યારે જીપમાં તલવાર જેવા ઘાતક હથિયારો પણ હોવાનાનું મનાઈ રહ્યું છે  જીપ ચાલક માંજલપુરના જાણીતા શિવમ ગ્રૃપનો સભ્ય છે જો કે હજુ સુધી પોલીસ હજી સુધી જીપ ચાલકનો પત્તો લગાવી શકી નથી ત્યારે પોલીસ પર આરોપીઓને છાવરવાનો પ્રયાસ કરતી હોવાનો આક્ષેપ લાગી રહ્યો છે. 

પોલીસ આરોપીઓને છાવરવાનો કરી રહી છે પ્રયાસ

મહત્વનું છે કે જીપચાલકે કુલ ત્રણ લોકોને અડફેટે લીધા હતા જેમાં 7 વર્ષના બાળકનું અપમૃત્યું થયું છે જ્યારે બાકીના લોકો ઈજાગ્રસ્ત થતા સારવાર અર્થે ખસેડવામાં આવ્યા હતા જીપ ચાલક જીપ મુકી ફરાર થઈ ગયો હતો જ્યારે સ્થાનિકોના જણાવ્યા મુજબ જીપ ચાલક રોફ જમાવવા પુરપાટ ઝડપે જીપ ચલાવી રહ્યો હોવાનું ચર્ચાઈ રહ્યું છે.